صباح الفل عليكم أصدقائي ♥
تسريبات ف اللذيذ لـ الجيل الـ 11 من إنتل
و الـ 12 و الـ 13 كمان ، ما هي ظاطت بأه 🤪
الجديد ف الجيل الـ 12 إللي هييجي بعد الجيل الـ 11
إللي هو لسة منزلش أصلاً 😃
إنه هيبقى أول جيل يدعم /
رام من نوع DDR5 ، و مخارج من نوع PCI EX 5
و السوكيت جديد ملوش علاقة بـ الـ LGA 1200 بتاع العاشر و الـ 11
دا سوكيت إسمه / LGA 1700 و هيشغل جيل 12 و 13
و منعرفش لسة الـ 14 هيكون إيه نظامه 😏
و متوقع إنه هيبقى بـ تكنولوجي 10 نانو المحسنة الجامدة أوي 😁
مع إضافات تانية كتير ، بس دي الهيد لاينز يعني
-----
مش فاهم بصراحة ليه الإستعجال الغريب دا !
حتى لو لسة الموضوع ع الورق ، فـ دا جيل يا جدعان إنتوا فاهمين !
المجال بقى بيزنس برائحة التكنولوجيا ، و لا يمت لها بـ أي صلة
شهاب ليس سعيداً مِن الذي يحدث ف شتى أرجاء العالم
و يُعرب عن قلقه الشديد 🙁
----
لو الكلام عجبك ، لايك و شير 👍
لو معجبكش ، إعتبره من وحي الخيال و لا يمت لـ الواقع بـ أي صلة 😔
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم