و دا كان حالي أنا و زيي كتير حالمين بالمستقبل الأفضل 🥱
لما إعتقدنا إننا نقدر نبيع الـ 2060 سوبر و الـ 2070
بـ سعر يخلينا نشتري 3060TI الأحدث و الأقوى
مع دفع زيادة بسيطة لا تتعدى الـ 1500 جنيه 🤣
------
مع تجارب الأداء لـ كارت زي RTX 3060
بيظهر إنه موازي أو أقل كمان ف بعض النقاط من 2060 سوبر !
و لو إتوفر الفترة دي هيكون سعره 10.000 جنيه فيما فوق !
يبقى كدا كل إللي باع 2060 سوبر و 2070
من فترة بسعر 7 لـ 8 .. يُعتبر لَبِس نفسه بلا هدف !
أهـ مخسرش عن ما إشترى ، لكنه خسر كتير لـ قدام للأسف
و محدش كان يعرف و لا توقع إللي حصل ، فـ مفيش أي لوم 😕
-----
عاوز أقولكم إن الـ 3060 نظراً للتجارب دي
هيبقى غير مُرضي إطلاقاً لكل أصحاب 2060 سوبر و 2070
و ما هو إلا نسخة مُعدلة منهم بدون فرق يستاهل
و مش هيقدم أداء أقوى ، و ممكن ميديش أداء موازي كمان 🥶
( ملحوظة ) دي تجارب أداء ممكن متكونش كافية أوي
و وارد الوضع ف الجيمنج الفعلي يختلف ، الله أعلم
بس برضو تظل تجارب مهمة جداً و حسمت الموضوع بشكل كبير 🙄
هيبقى كارت مُحترم و هيعمل طفرة ف حالة واحدة بس
إنه يتوفر حالياً بسعر / 7500-8500 جنيه كـ متوسط !
غير كدا فـ هو إختيار المُضطر مش أكتر 😔
-----
الأمل كله ع الـ 3060TI ، و تظبيط سعره ف المستقبل القريب
لإن كذلك السعر العادل ليه هو / 9500 جنيه بحد أقصى
و قبل كل دا توافر الكروت أصلاً ، و هي دي ورقة الضغط من الشركات
إللي هتخليك تشرب المُر و ترضى بـ أي كارت و إنت بتشكرهم كمان 🥺
-------
متابعين معاكم الأزمة لحظة بـ لحظة ، بـ التحليلات الشهابية اللعينة
و بإذن الله تخلص ع خير قريب ، و يحترموا الناس شوية 🧐
تعليقات
إرسال تعليق
سيب أستفسارك وهرد عليك يانجم