زومبي جديد معانا ، رحبوا بضيفنا 😃
صفحة (( تجم.....ة ))
و لما دعبست شوية لقيتها تبع
DA..K تــيـــش -
نفس الشخص !!!
استغربت جداً لإني إلى حد ما كنت بحترم المحتوى دا
و ع فترات بشوف الصفحة التانية ليه منزلة بوستات كويسة
أتمنى إن إللي رد دا يكون أدمن جديد مثلاً و مش فاهم
أو حد ملوش علاقة بالبيدج لإنهم محتواهم كان مش وحش
فـ حرام يضيع بسبب تصرف مستهتر كدا
اما لو هو دا رأي صاحب الصفحة فعلاً
ف كدا الصفحة دي بلاك ليست عندنا ، و لا نرشحها كمعلومة
لإن إللي يعمل الكارثة دي و يحكم ع شئ لإنه مش براند إنه وحش
مع إنه مجربش أصلاً ، و كمان ميعرفش إنه براند و له موقع و كلام
فـ دا يدل ع عدم خبرة و يبقى كلامه مش موثوق عندي
و مجرد بروموتر بيمشي تبع البراند دايماً ، و مينفعش يتكلم ع منتج تاني
مع العلم إن المنتج التاني فيه إفادة للمستهلك أكتر
لكنه مش هيوضحهالك ، لإنه يهمه إستفادته حتى لو ع حسابك 🙂
---
الحكاية بدأت لما لقيت صورة من تصويري الخاص للكيسات
و هي الحصرية و الأولى ع النت كله للموديلات دي
إتفاجئت بإنها مسروقة و عليها رقم تاني ف كومنت عضو ع صفحته
دخلت رديت ع إللي حاططها عادي و بسأله جايبها منين
عشان أوصل ليه و أكلمه
-----
ببص ع البوست نفسه
لقيت الأستاذ صاحب صفحة (( تجم.....ة )) عامل ف البوست نفسه
ترشيحات لكيسات ف فئات مختلفة
و لما حد سأله عن الكيسات بتاعتي و رأيه فيها
قال إنها مش كويسة و ماتريال وحش و تهوية وحشة 🙁
دخلت قلتله / حضرتك جربتها ؟
رد و قال / لأ و معرفهاش أصلاً
بس البراند إللي ليه مراجعات و موقع بيكون أفضل دايماً !!!
-----
إستغربت بصراحة من كمية اللا منطق و الفتي دي
الأخ تجاهل أهم عنصر ف أي شئ ، التجربة و المراجعة !
و حكم بدون وعي ع شئ إنه سئ لانه براند مش معروف
-----
وضحتله إني مش بقارن أبو 1000 بـ أبو 2000 ، و إني بقارن
نفس الفئات المتوازية ، و ضربتله مثل بـ الكولر ماستر k501l
سعرها حوالي 900 جنيه و عندي حاجة بنفس السعر
و الكولر ماستر قدامها قطعة بلاستيك ، و دا قصدي
-----
و وضحتله إنك لازم تجرب المنتج الأول قبل الحكم عليه
ممكن تكتفي بكلمة معرفش و مجربتش لو براند مجهول
و ترشح إللي تعرفه بدون الحكم ع شئ تاني ، دا كان كلامي
هل كدا أنا غلطان ف شئ ؟
----
لقيته بيتكلم بأسلوب غريب و مش بيرد ع حاجة بشكل منطقي
و ف النهاية قالي صفحتي و أنا حر ، و مسح كذا كومنت ليا
الحركة رخمة طبعاً فـ علقت له بـ سخرية شويتين بدون تجاوز
و دا رداً ع تعليقاته و عشان مسح الكومنتات بتاعتي
و ف النهاية عملي بلوك من البيدج 😃
------
طيب لو أنا غلطان أو كلامي مش صح
إتهزيت ليه و مسحته عشان الناس متشوفوش !
ما تسيبه و خلي الناس تشوفني غلطان و تضحك عليا 😂
بس متقلقش أنا واخد كله اسكرينز بمجرد كتابته
لإني كنت متوقع الحركة دي ، ناصح برضو أنا 😃
-----
دا أثبتلي فعلاً إنه زومبي ، و للأسف صفحته محسوبة ع المراجعين
و الناس المختصة بالمجال و التكنولوجيا
و تقدروا تعتبروه من المراجعين المذكورين ف كلامنا ف البوستات
و ف أخر فيديو ع اليوتيوب
------
و دا بنائاً ع تجربتنا الشخصية المحكية قدامكم
و إللي هتلاقوا سكرينز ليها ف الكومنتات عشان تحكموا بـ إللي شايفينه
مع العلم إني معرفوش و عمري أصلاً ما إتكلمت و لا علقت ع صفحته
يعني مليش أي مصلحة ، لكننا زي ما عودناكم بننقل إللي بيحصل
و بنرد ع الغلط و بس 🙂
تعليقات
إرسال تعليق
سيب أستفسارك وهرد عليك يانجم