ردي ع الرسايل المبعوتة .. خليك متابع أخر الاخبار
مبدئياً كدا الرسايل كتير جداً و بينزلوا تحت و يضيعوا
و الضغط عليا كبير ، و إللي قعد معايا قبل كدا شافني مسحول إزاي
بس صدقوني برد ع كله و بخصص جزأ كبير من وقتي لـ دا
و أنا بحاول أتابع الكل و متجاهلش إستفسار أي حد
و المساعدات مساحتها أكبر من المبيعات ع صفحتنا ف الرسايل
و دا شئ بيفرحني و يارب يزيد أكتر و أكتر ♥
لو مردتش عليك و مشفتش رسالتك أول مرة ، يبقى وقعت تحت
إبعتلي أي شئ تاني طلعها فوق up عشان أشوفها
بلاش جو القمص و الإهتمام مبيتطلبش و الحاجات دي 😃
كمان الواتس أنا مش بتابعه أوي ، فـ خليك بيدج أو جروب أضمن
-----
طلب بسيط بس بالله عليكم عشان انا راجل كبير و صاحب مرض 🙁
محدش يبعتلي يقول ( السلام عليكم ) ( ألو ) ( مساء الخير )
و الحاجات إللي شبه كدا ، و يسكت و مستنيني أرد !!!
حضرتك دا مش جروب تعارف و لا شات خاص
و الرسالة الأوتوماتيك ع الصفحة
بتقولك تسيب استفسارك مباشرةً أو تكتب ف الجروب
فـ وفر الوقت دا عليا و عليك و خش ف الموضوع ع طول
لإن الناس بتزعل إني مش برد ، و دا فعلاً بيهلك وقت بلا فايدة
مش هقعد أقول و عليكم السلام أو صباح النور بس
ف 30-40 رسالة ورا بعض ، مش منطقي !
فيه ناس تاني أولى بـ الوقت دا ، خش ف موضوعك و إكتبه ع طول
و متقلقش مش هرد عليك 😂
----------
بالنسبة لحلقات اقفش زومبي ، فـ هي مكملة معانا أكيد
انا منسيتهاش بس الحلقات دي متعبة
و بتحتاج وقت للتحضير ع ما اختار الضيف و أنسق معاه 🧐
كل إللي طلبتوهم بعتتلهم و وريتهم الكومنت بتاعكم
عشان أنا وعدتكم حتى لو كومنت واحد فـ أنا هبلغ الناس بيه
كل دول On Spot /
(( سيجما - إتش تكنولوجي - اي جي كمبيوتر - كوانتم كمبيوتر
جيمرز بريس - الفتح عبد الغني - الأقصى محمود ربيع ))
كل الناس رحبت لما قلتلهم انتوا ف برنامجنا بإختيارات المتابعين
بس للاسف لسة محددتش ضيف للحلقة
و لا أكدت مع شخص معين ع مقابلة ، و الموضوع مفتوح 🙁
كنت حابب الحلقة الجاية تبقى مع محل من قلب المول
سواء سوق العصر أو البستان ، و العميل يستفيد من السوق مباشرةً
بس هتبقى كارثية و بعض التجار هيزعلوا 😃
ع كل حال هفضى و أخلص كم حاجة معايا
و بإذن الله نعمل حاجة كويسة قريب جداً
--------
كانت هذه أخر الأخبار الشهابية اللعينة
إذا لم تضغط لايك و تعطيني قلب ف نفس اللحظة
إعلم أن الهانتي كانتي قد منعك 😘
تعليقات
إرسال تعليق
سيب أستفسارك وهرد عليك يانجم