التقنية الجديدة من AMD
بإسم / Smart Access Memory ، أو / SAM كإختصار
بتبسيط شديد جداً ، لإن ميهمناش تفاصيل مٌعقدة حالياً
هي عبارة عن تقنية لتحسين الأداء ، بتشتغل بين الكارت و المعالج
عن طريق تكنولوجي مُطورة ف نقل البيانات من خلالهم
و دا ع بعض الموديلات التابعة لـ شركة AMD فقط 🧐
الموضوع دا هيفيدني كـ مستخدم ف أفضل الأحوال
بنسبة لا تتجاوز 10% ، و ف الأغلب هيكون متفاوت
حسب الكارت و المعالج و عوامل تانية كتير 😟
طبعاً بما إنك مش هتدفع جنيه ف حاجة
و هتاخد أداء أفضل من مجرد سوفت وير أو تقنية بتتفعل
فـ دا شئ عظيم جداً ، و نرحب بيه أكيد 🤗
كمان الخبر الحلو ، إن الموضوع دا هيتدعم ع معالجات رايزن 3000
و ع كروت الشاشة و سوكيت PCI EX3
و دا غالباً هيبقى من خلال تحديث بيوس و تعريف جديد
فـ كذلك برضو شئ ممتاز ، و ننتظر تجربته فعلياً للحكم الأخير 😌
زي ما قلناها كتير قبل كدا ف مواضيع AMD
الشركة دي عندها قدرة رهيبة ف اللعب بـ السوفت وير
و إنها تغير خصائص أساسية كتيرة ف الهاردوير بتاعها
سواء ف كروت الشاشة و تعريفاتها و تحسين الأداء
أو حتى دعم البورد للمعالجات الأجيال الجديدة و خصائصها
و دي نقطة تميز كبيرة تُحسب لـ AMD ، شابوه 😘
----
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت لـ الواقع بـ صلة 🥺
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم