ملحوظة ...
كلامنا ملوش علاقة إطلاقاً بـ المحل دا أو غيره
إحنا بننتقد مواصفات و ترشيحات ، مش محل أو شخص معين
تعليقنا ع المنتج فقط ، و فايدته للمستهلك كـ قيمة قدام سعر
و إن كان إتكرر محل كذا مرة ، فـ دا راجع لكثرة منتجاته مش أكتر
و كل كلامنا توعية و مزود بـ أدلة منطقية ، مش مجرد نقد بدون سبب
(( و الكلام دا طبقناه ع نفسنا من زمان و حتى الأن ، و الناس تشهد
و بنقولهم ع منتجات بنبيعها إنها مش أحسن شئ ف المطلق
كمثال الـ i7 جيل رابع ، كنا بنرشح للناس i3 جيل تاسع ع حسابه
مع إن الإتنين كانوا عندنا ، و مكسبنا أكتر ف الرابع
بس الأمانة العلمية تحكم ، عشان محدش يزايد علينا بس 😎 ))
-----
نفس المقدمة الثابتة ، لإن دي سلسلة معانا 😉
البوست دا مش هتلاقي حد يكلمك ف موضوعه
و دا عشان زي ما إنت عارف 98% من البروموترز (( المرتزقة ))
ميهمش غير المصلحة و بيتبعوا الأوامر و بياكلوا عيش بـ التسول
و المراجعين مش بيقع ف إيديهم كل القطع أكيد
فـ المحترم منهم ، صعب ينصح الناس ع طول الخط
و عشان كدا كان لازم نتدخل 🔥
تعالى ركز معايا ف الكلمتين دول 🙂
-------
يلا بينا /
لما تلاقي ف سنة 2021 لابتوب بـ معالج (( 2 كور ))
زي الأجهزة إللي نازلة من 2005 ، و من 15 سنة تقريباً
يبقى إحنا بنشتغل الناس ، و وجب التنبيه ع الكل
إحنا بنقول هنسيب الـ 4 كور قريب ، و المستقبل 6 و 8 كور
تقوم جايب 2 كور ! و كمان سعره مش رخيص 😕
----
هتكلم ع بديل أفضل ، جديد برضو ، و بنفس الفئة السعرية
أرشحلكم لاب / Acer Aspire 3 بمعالج / RYZEN 5 - 3500U
كمثال و ليس حصر ، و ف كذا موديل أعلى ممكن تشوفوهم
و هتدفع تقريباً 700 لـ 900 جنيه بـ الكتير ، كمتوسط زيادة
و دا مبلغ مش ضخم إطلاقاً قدام النقلة إللي هتحصلك
و تعالى عِد المزايا إللي هتاخدها /
1 / معالج 4 كور أقوى بـ مراحل من الـ 2 كور
2 / كارت شاشة أقوى ، و هيشغلك بـ أداء أحسن
3 / هارد 1 تيرا ، بدل الـ ssd 120
4 / مواصفات بـ الكامل من فئة أفضل و أعلى
------
و لو مش فارق معاك تجيب لاب جديد
ممكن تشتري لاب مستعمل أو إستيراد بحالة ممتازة
هيبقى / 4 كور (( أي فايف )) رام 8 جيجا - هارد 500 جيجا
و ف رينج سعر تحت الـ 4500 جنيه ! يعني توفير 2000 جنيه
سواء مستعمل أو جديد عندك حلول أفضل بكتير من اللاب دا
إللي بعتبره ف رأيي (( عرض خازوقي )) 😁
مهما كان إستخدامك بسيط ، حتى لو هتكتب ع الوورد فقط
معالج 2 كور ، يعتبر كارثة ، و منصحكش تجيبه تحت أي ظرف
و البدائل قدامك كتير ، و فرق الأداء كبير و يستاهل
------
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت لـ الواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم