دردشة سريعة و توضيحات رشيقة ♥
فكرت شوية انزل الكلمتين دول فيديو
و ف الاخر كسلت كالعادة و قلت خلي الفيديو للمفيد 🙂
تفاصيل البوست /
1 / ليه مش بعمل استريم لايف للجيمنج
2 / ليه مش براجع قطع من شركات
3 / ليه مفيش تعاون كبير بين اصحاب المجال
-----
1 /
ف ناس بتقولي / (( اعمل ستريم لايف جيمنج ))
انا شايف اني لو ركزت شويتين و إبتديت ألعب
هعمل محتوى مراجعات لـ الالعاب ، بس أروق شوية
لكن محتوى الاستريم ، أبداً
أنا جربته زمان و حسيتني تافه بصراحة و بطلته
و بشوف كل اللي بيقدمه ( تافه ) دا رأيي مع إحترام الأشخاص
يعني ايه الحكمة من شخص يقعد يومياً 5 ساعات يلعب فقط !
و الناس تقعد تتفرج عليه ، و هو بيلعب و بياخد فلوس كمان !
فين الإستفادة ! فين الترفيه ! فين المتعة !
فين الموني و فين شيكاتي 😃 الهوخيو حكمت
أنا شايف دا بصراحة ( سفه ) و العيب ع المتابعين مش ع الاستريمر
هو راجل بيلعب و ياخد فلوس و شهرة كمان
خطة ف منتهى الذكاء يعني ، و القطيع ماشي 😃
مش متخيل بصراحة إن مُحصلة سنين تبقى فيديوهات هلس !
إستفدت إيه بعد الساعات إللي ضاعت !
فين فيديوهات قناتك الكويسة إللي ممكن أخش أشوفها أي وقت !
كله بـــــــــــــــــــخ ! ، بيختفي بعد ما البث ينتهي و شكراً
مئات الألاف بيتابعوا شخص بيلعب فقط !
ياريته حتى بيقدم محتوى جيمنج ، او بيستكشف لعبة و انطباع
أي حاجة من المتعلقة بـ الجيمنج ك محتوى يعني ، هيكون مقبول
لكن دا إسمه لايف ستريم لـ جيم بلاي ، ملوش علاقة بـ المحتوى إطلاقاً
أحياناً بيكون لايف كوميدي ، فـ دا مقبول ف إطار معين
بس إللي بيعملوه بشكل محترم يتعدوا ع الصوابع
لكن ف ناس بتستظرف و الموضوع بيتطور لحاجات سخيفة
كل شخص حر ف إللي بيعمله طالما لم يضر الأخرين
فـ إتفرج أو إعمل إللي عاوزه محدش هيحاسبك
دا رأيي و بقوله ع صفحتي أنا حر برضو 😃
منتهى العبث بصراحة
سبحان الله يعني ، هي أرزاق ، و الناس مُغيبة
-----
-----
2 /
سؤال تاني ، (( عاوزين مراجعات لـ قطع من شركات ))
لو خدتوا بالكم من فيديو البوردة الـ 410 ع قناتنا ، إسمه إيه ؟
(( مراجعة بلا هدف )) ! ساركازم ع حال المراجعين
لإني كذلك بشوف فيديوهات المراجعات للقطع
أغلبها بدون هدف و لمصلحتهم الخاصة فقط
اللي بتمثل 95% من محتواهم بالمناسبة
فـ عشان كدا حسيت إني مش هفيدك ك مستخدم لما أقعد أصور قطعة
ع اد ما ممكن افيدك بشرح سريع كتابي او فيديو
ترجعله و تستفيد كل مرة انت و اللي بيشوفه
دا كذلك رأيي الخاص مع احترام الأشخاص
-----
ف شركات صاعدة ف مجال البورد و الكيسات هتتواجد ف مصر قريب
و إحنا أولريدي عاملين معاهم شغل و عقود
و دول كانوا مقصودين لما قلت ف الفيديو إنه قريب ف مفاجئة
بس أنا مركز تجارياً ف الأساس ، و بإذن الله هيبقى ف حاجات كويسة قدام
و حتى لما ييجي وقتها و اراجع قطع ، هيكون بشكل مختلف
و مليان معلومات مفيدة
مش انبوكس و تصوير و هري زي اللي بنشوفه و خلاص
----
----
3 /
بخصوص (( عدم التعاون الكبير بين اصحاب المجال )) /
من أكبر أسباب فساد أي مجال مش التكنولوجيا بس
هو (( العلاقات و الوسايط و التزكية )) ، بغض النظر عن أي كفائة
صحاب و معارف و قرايب يشدوا بعض لأماكن و وظايف
كتير غيرهم يستحقها فعلياً ، لكن هما واخدينها بـ الحب مش أكتر
-----
كمان تاني أكبر سبب للفساد هو (( التعريض ))
بمعنى إنك تلاقي شخص فاسد و معروف إنه فاسد من أغلب مجاله
بس إللي حواليه بينافقوه و بيتكلموا معاه تحت مسميات كتير
زي مصلحتهم الخاصة أو إنهم ميتأذوش منه
أو أي هدف ف دماغهم أياً كان
-----
إحنا بصراحة شعب بيقدر التعريض جداً و بيحبه
الناس بتعرض عمال ع بطال بسبب و بدون
هنا تأسس علم التعريضولوجيا
-----
إتفاجئت بـ صدمة لإن كتير من الناس كنت فاكرها محترمة للأسف !
و استغربت لما لقيتهم ع علاقات و إتصالات بالشخص الفاسد
و يقولك ما إحنا عارفين إنه وحش بس لازم نكلمه عشان نتابعه !
لا و بيعملو ليه حساب كمان ف كذا حاجة ، حاجات تطير العقل !
فعلاً زمن الرويبضة
-----
انا بعتبر الكلام دا قلة رجولة و عدم كرامة و ضعف
يعني من الأخر مش شايفكم كلكم رجالة 🙂
نقطة و من أول السطر
-----
انا مبقبلش قسمة المبادئ ع إتنين
رأيي إن الفاسد و اللي معاه ( كلهم ف نفس الدايرة )
لإنهم وقوده و سر إستمراريته ، و هما إللي عاملين ليه قيمة
هو بدونهم لوحده مش هيعرف يعمل اي شئ و مش هيبقاله وجود
يعني هما كدا فاسدين زيه تماماً
الجزأ الفاسد لازم نتجاهله و نوريه حجمه الحقيقي
مش ندعمه و نتكلم معاه تحت شعار المصالح
-----
انا مش بخاف من حد و لا من شئ ، و مش بعمل حساب لحد الا ب الاصول
لإني ماشي صح و واثق ف نفسي مش بحب يتمسك عليا غلط
بقول للغلط ف وشه انت غلط ، مش بجامل و لا بنافق
فـ يمكن عندي حاجات كتير زيادة ، عن ناس ناقصة
يمكن انا اللي مختلف بزيادة بس و دا مبين وحاشتهم اكتر
-----
الواحد ف المجال كـ سوق من أكتر من 10 سنين
و علاقاته القوية مع أصدقاء المهنة تتعد ع الصوابع
و الاغلبية العظمى زملاء عاديين بنتكلم وقت الشغل فقط
مؤخرا اتحط ف سكتي ناس كتير بحكم توسع الشغل
اللي خلاني افكر طب ما افتح مجال هنا و هنا بشكل اكبر
و اعرف دا و دا و دا ، بس لما قربت من اغلبهم
لقيتهم مجرد فقاقيع هوا ، للاسف وقتي ضاع معاهم
----
اوعى توهم نفسك و تفتكر انك مش بتعمل حاجة غلط
دا الشيطان بيتفهلك و يصغرلك من المعصية بتاعتك
و يقولك انك مش بتظلم حد و انك زي الفل مبتعملش غلط
لكنك للاسف ظالم لألاف المتابعين و ظالم للحق ف حد ذاته
و ضميرك جواك هيشهد عليك ف كل غلط عملته تحت أي مبرر
-----
كان ممكن اعمل حاجات كتير الناس هتشوفها عظيمة !
بس هبقى مش بحترم نفسي و هخالف مبادئي
من جوايا حاجة رافضة و مش متحمسة لـ فرص كتير بتتعرض
بتشدني لورا تخليني اكسل أو اتردد ف كل مرة لاني مش مرتاح
----
و الناس للاسف مش فاهمة حاجة و القطيع ماشي مع التيار
و اي محاولة للتوعية بتتقابل بهجوم رهيب
----
عشان كدا فقت بسرعة و قلت هكمل زي ما بدأت
و كل شئ هيتطور بس مع نفسي و لـ حالي
و مع الصحبة الصح ، إللي هتسد و تكمل للنهاية
-----
و الحمد لله كسبت أكتر و أكتر
و اتفتحلي بيبان تانية مكنتش ف بالي اصلا !
أصل الحق أحق أن يُتبع
هَلْ جَزَاءُ الإحْسَانِ إِلا الإحْسَانُ
------
الصح إنك تبقى باصص لنفسك و شغلك و تراعي ضميرك و بس
متبصش لأي حد و لا لأي أحداث
صدقني هتنجح و هتكسب و هتوصل
متمشيش مع التيار و لا تسعى لمعرفة أكبر عدد من الناس
و لا إنك تكسب رضا أكبر قدر من البشر
الموضوع مش بالكُترة المزيفة
اه ف كتير واصلين و هما ميستحقوش
اه واخدين شهرة و مال مش من حقهم
بس عادي إحنا مش ف جنة عشان كل شئ يمشي مظبوط
حذر منهم و اكشف حقيقتهم و واجههم و متقصرش
غير كدا و لا يهزك و انت ماشي ف طريقك
الخير بيظهر و باقي لا تقلق
و ف ناس كتير فاهمين و بيقدروا يميزوا
------
يكفيك إنك كل يوم تبص لنفسك ف المراية بكل فخر
و محدش كاسر عينك ، و لا قلقان من شئ
و لا عامل أي شئ يخالف ضميرك و ربك
إسترجلوا و عيشوا بـ كرامة ، و عاملوا ربنا قبل الناس
بـ نية صافية و قلب أبيض و ضمير صاحي
تعليقات
إرسال تعليق
سيب أستفسارك وهرد عليك يانجم