هيا بنا .. JUST CAUSE 4 ♥
.........................................................
بعد الجزء التالت الوحش جدا من اللعبة دى
إلى كان أشبه بـ لعبة GTA VICE CITY 😃
كنت فاقد فيها الأمل .. لغاية ما لعبت الجزء الرابع
فتحت لمجرد أجربها بعد التسطيب و قعدت ساعتين ألعب بدون ما أحس
و بصراحه عجبتنى جدا بعد التغييرات إلى أضافوها لـ الجزء دا
هبتدى بـ الأوبتميذيشن المحترم
أنا لعبت ع جهاز / أى ثرى - جيل تانى .. كارت 1050 إتنين جيجا - رام 4
الريزولوشن 1280*720 .. الإعدادات كلها LOW
و إشتغلت ع 40 - 50 فريم .. بشكل مستقر جدا بدون أى تهنيج
و دا طبعا أداء فوق الممتاز نظرا للإمكانيات المنخفضة دى
و جربتها ع / أى ثرى - جيل تامن .. و كارت 1060 ستة جيجا - رام 16
الريزولوشن 1920*1080 .. الإعدادات كلها ULTRA
و إشتغلت ع 60 فريم ثابت .. بدون أى مشاكل
بيئة اللعبة ممتازة و فيها تنوع و مناظر حلوة كتير
الجو بيتغير و بيأثر ع الجيم بلاى نفسه
سواء إعصار مدمر بيحرق و يكهرب المكان أو مطر شديد
الإنفجارات أكتر من رائعة .. شكل النيران مميز و مش ممل
الاجواء ف اللعبة حلوة جدا و متنوعه
و هتبقى عاوز تجرب كل حاجة قدامك .. لإن المحتوى كبير
الجرافيك جميل و فيه نقلة مختلفة عن الجزء الثالث
و أقرب ما يكون لإنه Remaster نضيف لـ الجزء الثانى
مش خرافى .. لكنه جميل و مقبول جدا
التحرك جوا اللعبة و التحكم نفسه .. ناعم و ممتع
بتقدر تطير بـ الخطاف أو بـ السوينج او البراشوت .. من و إلى أى مكان
الحركة بأى شكل متاحة .. ف الأرض - البحر - الجو .. كله شغال
هتلاقى مجموعة أسلحة كتير هتحتار ف إستخدامها
و معاك خاصية جديدة - بتضربها من الخطاف بتاعك
عبارة عن بلالين بتطير و ترفعلك أى حاجة من ع الأرض
بتساعدك تخلى المكان من أى حاجة تعطلك
و كمان تقدر تركب عربيات و طيارات و موتوسيكلات
أى وسيلة نقل هيبقى عندك إمكانية تجربها .. و دا ممتع جدا
اللعبه مدبلجة زى المسلسلات التركى كدا ( لهجة سورى )
و مترجمة كمان بـ العربية الفصحى كـ نصوص
و القصة لذيذة و سهل تفهمها و تركز ف الأحداث
أنصحكم بيها جدا .. لإنها عودة ممتازه لـ السلسلة
حجم اللعبة عند التحميل / 16 جيجا
و بعد التسطيب / حوالى 50 جيجا
بس كدا ـــــــــــــــــــــــــــــــــ
تعليقات
إرسال تعليق
سيب أستفسارك وهرد عليك يانجم