صباح الفل عليكم ♥
الضيف الجديد / RX 6600XT 🥳
و يُقال إن هو أفضل كارت شاشة تقدر تشتريه
عشان تشغل الألعاب ع جودة / فل إتش دي 1080p 🤩
شركة AMD علت صوتها و شوحت بإيدها
و قالت من هنا و رايح مفيش RTX 3060
الـ RX 6600XT جاي يحط عليه 😱
الكارت بييجي بـ 8 جيجا رام من نوع GDDR6
و ميموري إنترفيس 128bit ، و ميموري سبيد 16gb
دقة تصنيع 7 نانو ، و معمارية RDNA 2
و 32 ميجا إنفنيتي كاش (( لزوم التقنيات الجديدة ))
------
ع حسب الموقع الرسمي ، الشركة بتقول إن الكارت بيشغل /
لعبة / Assassins Creed Valhalla ، بمعدل 92 فريم !
لعبة / Forza Horizon 4 ، بمعدل 137 فريم !
لعبة / Resident Evil Village ، بمعدل 177 فريم !
و كل دا ع أعلى جودة ممكنة ، مع دقة الـ فل إتش دي 1080p 🧐
يعني مع الألعاب الحديثة التقيلة ، و ع أعلى إعدادات جرافكس
الكارت بيقدملك تجربة ممتازة جداً بتكسر الـ 90 فريم كـ متوسط !
-------
السعر الرسمي / 380 دولار = 6100 جنيه
يعني لو حسبنا بعد الجمارك و الضرايب و الحبشتكانات
الكارت مفروض يوصل مصر و يتعرض للمستخدم بـ / 7.250 جنيه
و أعلى نسخة منه بـ / 8.000 جنيه ، بالكتير
أكتر من كدا هيكون إستهبال ، و نتمنى إنصاف ف الفئة دي تحديداً
---------
من الأرقام المبدئية ، أنا شايف إن الكارت دا يتحط مع فئات
زي / 1080ti - 2060super - 3060
مع العلم إن أقل كارت ف دول متفوق عليه ف الميموري إنترفيس
بمعدل 192bit ، بدلاً من 128bit ، لكنها مش مقياس مطلق برضو
كمان لسة مفيش صورة واضحة لأداء خاصية الإنعكاسات Ray Tracing
ف كروت AMD ، ف ظل تفوق Nvidia ف النقطة دي
---------
هنشوف أداء الكارت ع مستوى الـ FPS ، هيكون إزاي !
و أدائه ف خاصية الإنعكاسات و تفعيل تقنيات زي SAM و غيرها إزاي
و دا هيكون مؤشر مهم جداً للحكم بشكل كامل
متحمس جداً للكارت ، و ف إنتظار تجربته فعلياً و مشاركتكم
تعليقات
إرسال تعليق
سيب أستفسارك وهرد عليك يانجم