صباح الفل عليكم ♥
حدوتة صغيرة و لا ينصح لضعاف القلوب و الجيوب 😁
----
ف إطار محاولات شركة AMD لخرق الطبيعة 🤪
عملوا من شهور بسيطة معالج إسمه / EPYC 7763
من فئة السيرفر ، الموجهة للشركات و صناع المحتوى
إللي هي شبيهة بمعالجات زيون ف Intel
المعالج دا بييجي بـ / 64 كور - 128 ثريدز - 256 ميجا كاش
التردد الأصلي بتاعه / 2.45 جيجا هرتز ، و بيرفع تربو لـ 3.5
شغال بتكنولوجي 7 نانو المُعدلة
فيه 8 Channels لـ الرام ، و بيدعم لغاية 4 تيرا رامات !!!
بيدعم PCIe 4 - x128 ، و مفيش كارت شاشة موجود
هيعمل معاه أي بوتل نيك حتى لو ف وضع Dual
بيستهلك 225 لـ 280 وات كهرباء تقريباً
و دا طبعاً يلزمله تبريد عالي 🥶
سعره حوالي 7850 دولار ، تقريباً 125.000 جنيه مصري !!!
----------
و عشان نعمل جهاز محترم نشتغل عليه ف فيلم Avatar الجزأ التالت
أو نعمل بيه فيلم أنمي من الأول للأخر بدون مشاكل رخمة 😱
هنحتاج 2 معالج من دا مثلاً ، يعني 250.000 جنيه ، معالجات فقط
و هنضيف عليهم 1 تيرا رامات ، و كل دا مع البوردة إللي ف الصورة
و حوالي 50 تيرا فقط من وحدات التخزين المختلفة
و الكارت هنكتفي بـ واحد فقط من نوع Quadro RTX 6000
إللي بييجي بـ 24 جيجا ذاكرة من نوع GDDR6
سعره حوالي 4750 دولار ، تقريباً / 75.000 جنيه
و الباور يستحسن ميقلش عن 2000 وات ، تحسباً للتحديث و أي شئ قدام
كدا إجمالي الجهاز ممكن نقول ف رينج / 31.000 دولار
ما يوازي 500.000 جنيه مصري فقط لا غير
عشان منزودش عليكم الميزانية ، رشحنا أقل شئ معقول 😁
-------
و غالباً الأجهزة من نوعية السيرفر بتيجي أورجنال تقفيل شركة
زي / HP - LENOVO - DELL ، و باقي الشركات دي
نادراً لما حد بيجمعها بنفسه ، لإنها هتبقى مُكلفة من ناحية
و مش هتلاقي كل القطع بتاعتها متوفرة ، من ناحية تانية
بشكل عام دي نوعية أجهزة موجهة للفئة الأكبر
من صناع المحتوى و الإستوديوهات الضخمة
و بيكون عندهم كذا جهاز ف نفس المستوى دا
أكيد جهاز زي دا مش مخصص لحد عاوز يعمل مونتاج إحترافي لببجي
أو يمنتج أفراح و أعياد ميلاد 😅
لإن أصلاً إللي هيحط 500.000 جنيه ف جهاز كمبيوتر !
أكيد منتظر منه عائد يغطي التكلفة و يخليه يكسب كمان
ف مكاتب و شركات أصلاً راس مالها أقل من المبلغ دا 🤑
-----
المهم بأه إن كل المواصفات إللي قلناها دي هتلاقيها ف جهاز أورجنال
بعد كم سنة هينزل السوق ف مصر تحت عنوان /
عملاق الرندر و الجرافكس - مكنة وورك ستيشن 🤣
تعليقات
إرسال تعليق
سيب أستفسارك وهرد عليك يانجم