النهاردة الصبح شركة / Konami ، صاحبة لعبة / PES
قالت إن لعبة / PES 2022 ، هتبقى مجانية للكل !
و هتيجي بنفس الإسم الجديد إللي إتغير من أول بيس 20
إللي هو / E Football ، قبل كلمة / برو إيفولوشن سَكَر
و هتتوفر ف كل المتاجر للتحميل و بشكل ديجيتال
مش هيكون ف منها أي CD للشراء !
و دي مفاجئة كبيرة لـ المنافس التقليدي / FIFA
-------
اللعبة هتكون متوفرة لكل الأجهزة / PC-XBOX-PS-MOBILE
و هتنزل للجيل الجديد كمان !
و هيبقى متوفر الكروس بلاي بين كل المنصات كمان
يعني هتقدر تلعب أونلاين مع أي حد بيستخدم أي جهاز !
الجميل كمان إن اللعبة جاية بـ مُحرك جديد قوي هيقدم مميزات كتير
الغني عن التعريف / Unreal Engine
إللي هيأثر ف أسلوب اللعب و التفاصيل و الجرافيكس و كل شئ
يُقال إنها ف البداية هتكون بعدد فرق قليل ، تقريباً شبه النسخة الديمو
و إن ف تحديثات أو إضافات هتيجي تكمل كل الفرق !
مش فاهم ليه بصراحة و إيه وجهة النظر !
بس إشطة مش هتفرق ، الباتشات مخلتش حاجة 😃
-----
متحمس طبعاً لـ البيس معشوقة الملايين ، خصوصاً إن بقالنا سنة
مشفناش إصدار جديد منها ، و تم دمج 20 و 21 ف إصدار واحد
فـ هل إصدارة 22 ، و التحدي بإنها مجانية كمان ، هتقدم شئ مميز ؟
أدينا مستنيين الجيم الأصلية ، لإننا مبنلعبش غير الأصلي طبعاً 🤣
تعليقات
إرسال تعليق
سيب أستفسارك وهرد عليك يانجم