كارت غريب الشكل و الملامح كـ براند
ظهر ع المواقع للبيع ف الصين ، قبل الإطلاق الرسمي !!!
و تحديداً لـ موديل / RX 6600XT ، و فيه منه إصدارتين
الكارت بييجي بـ إسم / VASTARMOR
و بعض الناس قالوا إن ربما دي علامة تجارية جديدة لشركة / XFX
الغريب إن التاجر عرض الكارت بالفعل و تقدر تشتريه
بـ / 460 دولار ! ، و بيديك عليه ضمان 3 سنين !!!
التسريبات دي غير مبشرة إطلاقاً كـ تسعير
لما نسخة مجهولة الشكل و الملامح و محدش يعرفها
و تنزل بـ 80 دولار أغلى من السعر الرسمي إللي هو 380 دولار !
يبقى الشركات المعروفة هتنزل نسختها بـ كم !!!
أه النسخة 3 مراوح و شكلها إحترافية كـ تبريد و تفاصيل
بس برضو ، إنت براند لسة أول مرة ينزل ، و مش من الكبار
إزاي مزود المبلغ دا !
الكلام دا هيبقى منطقي ف حالة واحدة بس ، لا أتمناها تكون صح
و هي إن الشركة دي مش مغلية السعر !
و إن الكروت التانية هتبقى أغلى بمراحل من السعر الرسمي !
وقتها هنكتشف إن الـ 80 دولار الزيادة دول
مراعاةً لإنه لسة براند جديد و عاوز ينتشر كمان 🙁
لسة هيكون ف كلام و تفاصيل كتير للموضوع هنشوفها
لكن واضح إن عدم وجود إلتزام بالتسعير الأصلي هو المنهج السائد
خلال 5 أيام بالكتير ، الكارت هيتوفر بشكل عام ف مصر
و من أول الإصدارات المُعلنة / Sapphire Nitro
تفتكروا فيه أمل ؟
تعليقات
إرسال تعليق
سيب أستفسارك وهرد عليك يانجم