شركة PowerColor لكروت الشاشة بلغت من فترة
عن مشكلة ف كارت شاشة وسط الشُحنة بتاعتهم
من فئة الـ Founders Edition
لقوا فيه (( صُباع )) من إللي بيلبسه الموظفين !
عشان ميسيبوش بصمات ع الكارت أثناء العمل فيه 🧐
المشكلة إن الصُباع مكنش ف الكرتونة و لا مرمي ع جمب و بس
دا حظهم الحلو إنه كان جوا الكارت نفسه بين الميموري و المُبرد 😱
الموضوع إللي خلى حرارة الكارت ترتفع جداً و توصل لـ 100 تقريباً
و هو دا إللي خلاهم يفتحوا الكارت يفحصوه ، و إتفاجئوا بـ الصُباع !
لو سمحتوا يا جماعة كل واحد يخلي باله من صوابعه
تخيل إنت راجل محترم شاري كارت تلاقي صُباع طالعلك من جواه
الناس هتحترمك إزاي بعد كدا مش فاهم 🤣
و كأن الصدفة صنعت أجمل تعبير عن الواقع !
صُباع مُوجه للمستخدمين ، من جوا كارت شاشة 🙂
تعليقات
إرسال تعليق
سيب أستفسارك وهرد عليك يانجم