لأول مرة ف فئة كروت AMD 6000
نلاقي كارت من نوعية الـ MINI !
شركة ASROCK أعلنت عن الكارت الجديد RX 6600XT
إللي بييجي بـ تبريد مروحة واحدة ، و بياخد باور 8 بن فقط !
زي ما قلنا إن الكارت دا مفروض يكتسح كل ما هو 1080p - Ultra
و كون إنه توفر بـ نسخة ميني ، يعني إستهلاك كهرباء هو الأقل
و أي باور صبلاي بدايةً من 400 وات ، هيقدر يشغله مرتاح
و للنسخ الكبيرة يُفضل باور بدايةً من 500 وات ، لأفضل إستقرار
الكارت دا أعتقد إنه شبيه لـ RX 570 كـ معدلات حرارة و إستهلاك
لإن الـ 570 من الجيل القديم هو إللي نزل بـ نسخة ميني برضو
و كان بيحتاج 150وات تقريباً كـ متوسط إستهلاك
مع الفارق الكبير ف الأداء طبعاً لصالح كارت الـ RX 6600XT
كل الكلام دا بشاير كويسة جداً
لإن الطبيعي إن النسخ الميني هتكون رخيصة و متوفرة
خصوصاً لو من براند لسة مثبتش نفسه وسط الكبار زي أذروك
مع العلم بـ إن الكارت ليه نسخة من نفس الشركة ASROCK
و بييجي بـ 3 مراوح ، و برضو بيحتاج باور 8 بن واحد فقط !
و كل دا منطقي جداً بالنسبة لـ كارت 128 بت ، و من معمارية حديثة
حماسنا بيزيد ف إنتظار حبيب الملايين
إللي مفروض هيوقع أسعار كروت Nvidia و يوفر حلول كتير
دا ف حالة تسعيره العادل بالإضافة لتوافره 🙁
تعليقات
إرسال تعليق
سيب أستفسارك وهرد عليك يانجم