صباح الفل عليكم ♥
المفاجئة إللي قلنا عليها من فترة ، قربت جداً 🥳
هتغرقوا ف النعنشة ، إتقلوا و عمو شهاب هيظبطكم 😘
بس تعالوا دلوقتي نسمع الكلمتين دول للأهمية 👇
--------
محدش يبعتلنا يا جماعة ع تجميعة الـ 4000 جنيه
لا ع الرسايل و لا ع الجروب ، ببساطة لإنها بلح 🤮
بإختصار هي قطع مش متداولة ف السوق و لا تقدر تشتريها بسهولة
لكنها عبارة عن حد بيبيع و يجدد ، فـ بيعرض القديم للبيع مش أكتر
و كلها شغل يوزر ، مش محلات ، فـ ملهاش سوق مستعمل و لا إستيراد
و لا متوفر منها كميات حتى لو بسيطة
بتبقى إنت و حظك بتدور ع حاجة هنا و حاجة هنا ، و تجمع و تكسب 😃
فـ مينفعش أشتري حاجة لُقطة ، و أجي أعممها للناس ع إنها عادية
و الكل يقدر يشتريها ، و كأنها سلعة متداولة و مالية السوق
دا إسمه إستغلال لـ ظروف الناس و إحتياجهم
و تضليل لـ إللي عاوز يشتري حاجة رخيصة و كويسة
مبدأ الـ أتينشن هور ، يحكم كالعادة
--------
أي فيديو أو كلام هتشوفوه ف أي مكان ، شغلوا عقلكم و ناقشوه
إنتوا ربنا كرمكم بالعقل ، إستخدموه
فرض ع أي شخص و من أساسيات ترشيح أي تجميعة
طالما عرضت عليا مواصفات مقابل سعر ، إنك توجهني لمكان بـ يبيعها
مش تقولي دور إنت و إتعب نفسك و الهري دا
طب مين قال إن سعرك أصلاً صح و لا إني هلاقيها متوفرة !
إتكلموا و إطلبوا ترشيح لأماكن شراء ، دي بديهيات أصلاً
دا طبعاً بغض النظر عن تفاصيل التجميعة
من أول الباور المجهول إللي غلط ع الجهاز
لسعر الهارد الخزعبلي إللي غير متاح لليوزر العادي
و دا سعر جملة الجملة و ف الكرتونة
إلا لو الهارد طالع عينه دا شئ تاني
و قرف كتير لا داعي لذكره
------
مكنتش ناوي أعلق ع تصرفات بالشكل دا ، و بتابع من بعيد
بس للأسف ضغط رسايل طلب التجميعة هنا و ع الجروب زهقني
الواحد صعبان عليه كل الشباب إللي بتدور ع الفنكوش و تضيع وقت
أكونتات مزيفة كتير ، دايرة تنشر كالعادة ف الكومنتات ع الجروبات
و كل دا عشان حد غير مسؤل سوحهم ، لمجرد إنه يلم ريتش ع قفاهم
------
عاوز ترشح شئ و معاك فكرة جهنمية مجتش لحد قبل كدا إطلاقاً 😅
و هي إن المستعمل الحديث أفضل من الإستيراد القديم 😱
إعرضها كمجرد فكرة و نصيحة ، مش كـ تجميعة بأسعار و توفر وهمي
كفاية دس سم ف العسل
العقول بايظة لوحدها ، خلونا نحاول ننقذها و نوعيها
مش عشان مصالح شخصية تبهدلوا الناس إللي مش فاهمة
المكسب و الجنيه إللي ييجي من خداع و تزييف ، دا حرام
إنتوا إزاي بتاكلوا السُحت بالشكل دا !
حسبنا الله و نعم الوكيل ف كل شخص عديم الضمير
-------
بالمناسبة دي مش أول مرة يتعمل فيلم بالشكل دا
وعديناها أول مرة و متكلمناش ، شايلين بلاوي كتير لوقت اللزوم 😉
و أخيراً ، إتقوا الله بـ مزاجكم
أحسن ما نخليكم تتقوه غصب عنكم 🙂
----
تعليقات
إرسال تعليق
سيب أستفسارك وهرد عليك يانجم