صباح الفل عليكم ♥
-----
الإتحاد الأوروبي قرر إن كل مُستخدمي الشواحن للهواتف الذكية
هيتجهوا لـ مخرج Type C فقط ، و هيبقى هو الوسيلة الوحيدة للشحن
و كل الشركات المُصنعة لازم تنفذ القرار دا 🧐
و دا عشان ميبقاش ف تراكم للشواحن المُختلفة و العناصر المُضرة
و للحفاظ ع البيئة ، و كلام كتير حلو أوي كدا 😃
الهواتف القديمة لباقي الشركات ، يبقى الحال ع ما هو عليه
بـ أي شاحن مختلف ، و كل شئ عادي ، لإنها أولريدي موجودة
لكن القرار هيتطبق ع الهواتف الجديدة إللي لسة هتنزل
-------
طبعاً الخبر دا كان صدمة لـ شركة Apple
لإنها بتستخدم منفذ شحن خاص و مميز لأجهزتها فقط / Lighting
و القرار دا هيضطرهم يغيروا خطوط إنتاج بالكامل 😱
الموضوع إللي خلاهم يعبروا عن إستيائهم للقرار
و قالوا إنه بيحِد من الإبداع و الإبتكار ، و كلام كتير حلو أوي برضو 😃
------
بعيداً عن تقنيات و تفاصيل للموضوع ، أنا شفت الخبر ساخر
إللي هو Apple كل شوية تطلع و تلغي شئ من مُلحقات منتجاتها
تحت شعار حماية البيئة و الإحتباس الحراري و بتاع
راح الإتحاد الأوروبي لاغيلها المنفذ بتاعها كله !
و برضو تحت شعار حماية البيئة برضو ، و كله بما يرضي الله 😎
تعليقات
إرسال تعليق
سيب أستفسارك وهرد عليك يانجم