صباح الفل عليكم ♥
نبهناكم من فترة إن محدش يتسرع و ينزل Windows 11
و فعلاً كلامنا إتثبت بعدها مباشرةً ، و معالجات AMD ظهر فيها مشاكل
ليها علاقة بـ الأداء مع الوندوز الجديد 😉
ناس قالت فيه تأخير و بطء ف الأداء بنسبة 5% أقل تقدير
و ناس تانية وضحت إن النسبة وصلت لـ 15%
و ع كل حال المشكلة قائمة أياً كانت النسبة 😔
ميكروسوفت قالت إنها هتعمل تحديث للوندوز يحل المشكلة دي
و هيبقى متاح يوم 19 أكتوبر ، يعني بعد إسبوع من دلوقتي
و بعد إسبوعين إجمالي ، من ظهور المشكلة بشكل عام 🧐
------
كل الكلام دا طبيعي جداً زي ما وضحنالكم ، لإن النظام لسة جديد
و ف عالم السوفت وير الضخم ، التجربة الأكثر دقة و النهائية
بتكون ع المستخدمين النهائيين ، مش من خلال الشركة نفسها 🙃
وارد جداً يكون فيه مشاكل تاني لسة مظهرتش
سواء ف إستقرار الأداء أو التوافق و الدعم ، و غيره 🤔
خلينا نستنى أول تحديثين ، و بعدين نجرب النسخة
وقتها هنقولكم المختصر المفيد ، ملوش لزوم التسرع حالياً ✋
وندوز 10 ، ممتاز و مشتكاش ، و مكمل كذا سنة قدام
كمان مفيش فرق جذري لـ أداء أو كفائة ظهر ف المقارنات 😏
فـ ليه بأه الصداع ، إيقنعني بس ، ليه 😳
تعليقات
إرسال تعليق
سيب أستفسارك وهرد عليك يانجم