صباح الفل عليكم ♥
بوست ماكر ف الصباح الباكر أوي 😜
------
مع إني بحترم اللاين بتاع AORUS
بس زي ما وضحت قبل كدا إني مش فان بوي لـ أي شئ
أنا مع المصلحة ، و كل الشركات بتغير حاجات كتير ف إنتاجها
فـ إللي حلو السنة دي مش شرط يكون حلو السنة الجاية ، و هكذا
أورس ف بوردة الـ Z690 Elite & Pro ، بعيداً عن مزايا ممكن تكون فيهم
و دا حقك أصلاً كـ مستخدم قدام الرقم و قدره إللي هتدفعه ف تمنهم
لكنهم لاغيين منافذ الصوت إللي لو إنت شغال 5.1 - 7.1 تقدر تستخدمها
و عاملين مدخلين فقط / MIC - Line Out
إللي هو رخامة بلا أي هدف غير إننا نوفر فلوس مش أكتر
يقوم المراجعين يعرِضوا ، مش يعرَضوا
متفهمنيش صح و إقرا التشكيل 😛
و عشان يغموا عينك عن الموضوع دا
يتكلموا ع كل حاجة إلا النقطة دي ، و يتجاهلوها تحت شعار
ما هو أصلاً محدش بيستخدم باقي المنافذ 😃
بدل ما ينتقدوا الموضوع و يلفتوا نظر الشركة ، و المستخدم كمان
إن دا عيب غير منطقي و ملوش أي تبرير ، و يسلطوا الضوء عليه
خصوصاً إن البوردة سعرها غالي أصلاً
و حاجة زي دي مش هتكلف الشركة الزيادة الرهيبة
إللي عشانها هيجبروك تشتري قطعة إضافية
لو عاوز تشغل نظام سماعات معين !
دي الأمانة و تحليل أي جنيه بيجيلك من عمل ، بس تكلم مين بأه !
بس سيبك إنت ، دا مراجع محترم و الشركة بتحقق أرقام مزيفة
و مراجعات منقولة بدون تجربة من خلاله
أصل فلان جاي من طرف فلان ، و دا معرفة مينفعش نزعله 😉
صباح البلح يبو عمو 🤣
تعليقات
إرسال تعليق
سيب أستفسارك وهرد عليك يانجم