صباح الفل عليكم ♥
شركة Apple أعلنت عن / معالجين و جهاز MacBook
لو تم إطلاقهم بـ الشكل إللي إتوصفوا و إتقدموا بيه بالظبط
هتبقى نقلة ثورية ، و المنافسة هتعلى أوي 😱
المعالج الأقوى هييجي بـ إسم / M1 Max
و دا 10 كور للمعالج المركزي ، و 32 كور لـ كارت الشاشة المدمج
دقة التصنيع 5 نانو ، و بيشغل لغاية 64 جيجا رام
و 57 بـلـيـون ترانزيستور ، معلش حاول تستوعب الرقم و متسرحش مني 🤪
--------
و شركة أبل راحت مشوحة بـ إيديها كدا 🤫
و قالت إن المعالج دا بـ كارته المدمج
هيتفوق ع أغلب لابات السوق إللي بـ كارت شاشة منفصل !
و إنه هيقدم تبريد و معدلات حرارة أفضل بكتير !
و كمان مش هيحتاج يتوصل بـ الكهرباء عشان يقدم أدائه الكامل 😉
لكنه ع البطارية هيقدم أداءه الكامل بشكل ممتاز
و دي كانت مشكلة كبيرة مع اغلب اللابات الجيمنج
لازم لما تيجي تلعب أو تستخدم كارتها بالكامل توصلها بالفيشة
--------
الجهاز هيتوفر بـ شاشات 14 - 16 بوصة
و الإتنين شغالين بمعدل تحديث 120hz ☄️
كمان فيه خاصية الشحن السريع ⚡️
و هيوصل لـ 60% تقريباً ف حوالي 40 دقيقة فقط
الأسعار هتبدأ من 2000 دولار لـ النسخة الـ 14 بوصة
و 2500 دولار لـ النسخة الـ 16 بوصة
مع إمكانية إختيارك أي معالج من الإتنين (( M1 Max / M1 Pro ))
و حسب تخصيص المواصفات السعر هيكون متغير
--------
من الأخر Apple عملت سبق كـ قوة هاردوير منافس
و أنا شايف إن دي خطوة أول مرة تتعمل بالشكل دا
دايماً المنافسة بتبقى بـ فخامة التفاحة 😅
و السوفتوير اللعين إللي مبيهنجش
الهاردوير بيكون ممتاز أه ، لكنه بعيد شوية عن المنافسة كـ أرقام
بس المرة دي ، الوضع مختلف ، و أبل نزلت بـ تُقلها
ياريت بس الأرقام و التصريحات دي تترجم ع أرض الواقع فعلياً 🧐
نيجي لـ الأسألة المهمة ، كم واحد هيروح يشتري الجهاز الجديد دا ؟
------
تعليقات
إرسال تعليق
سيب أستفسارك وهرد عليك يانجم