صباح الفل عليكم ♥
طبعاً يا جماعة ، النصائح الشهابية زي ما دايماً بنقولكم
أي جيل جديد ف أوله ، أي شئ جديد بشكل عام ف بدايته
محدش يروحله و لا تسمع كلام البروموترز عنه إطلاقاً
و خصوصاً العرب و المصريين ، لإن سمعتهم سابقاهم 😃
إتقل و إصبر شويتين تلاتة
هيبان أدائه الفعلي ، هتشوف مراجعات أجانب حقيقية
المشاكل أو المزايا هتظهر مع المستخدمين ، و كله هيبقى أوضح
كمان سعره هيكون نزل شوية ، وقتها تشتريه بـ إرتياحية و فهم أكتر
---------
أصل الشركة مش هتبعت بوردة ب 5.000 جنيه ، و معالج بـ 10.000 جنيه
و هتسمح لـ المراجع يغلط فيهم و يقول أي عيب مهما كان بسيط
و إلا هيتجازى فيما بعد و يتحرم من المعونة الجديدة
دا لازم يقول عليهم التنين المجنح و يخبي كل العيوب ، عشان يكسب الولاء
و بما إن مفيش تقييم و لا إختيار للناس ع أساس الإحترافية أو الخبرة
كله إما ترشيحات و معارف ، أو أرقام عالية و نسب مشاهدة فقط
فـ عشان كدا تلاقيهم كلهم ماشيين ف نفس القطيع جمب إخواتهم
و ف الأخر بنلاقي المستنقع الجميل بتاعنا دا
إلا ما رحم ربي طبعاً من المُراجعين القلائل المحترمين ، إللي بيدونا أمل
--------
ماسورة الجيل الـ 12 إللي ضربت و كلنا متابعينها ، خدلك ساتر منها دلوقتي
و زي ما قلتلك كله هيظهر قدام و هنتابعكم بتفاصيل الجيل الجديد
و وقتها عاوزك ترجع لفيديوهات الكل ، و تقولي مين صادق و مين كداب
مين كلامه إتغير ، و مين ثابت ع المبدأ 🙂
كفاية ذاكرة السمك و ركزوا معانا ، سيبوا الزهايمر ليا أنا لوحدي 🤪
-------
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت لـ الواقع بـ أي صلة 🥺
و لايك و شير برضو ، متبقاش غلس 😃
------
تعليقات
إرسال تعليق
سيب أستفسارك وهرد عليك يانجم