صباح الفل عليكم ♥
إمبارح ف حدث مفاجئ ، و تقريباً أول مرة يحصل بـ الشكل دا 😕
الفيسبوك و الواتس و الإنستجرام ، إتعطلوا نهائياً عن العمل
و الموضوع إستمر لكذا ساعة متواصلة ، حوالي 6 ساعات 😱
الأبلكيشن و الويب ، ع الكمبيوتر و الموبايل و جميع الأجهزة ،
حصل فيهم مشاكل و مبقوش يفتحوا !
Facebook & WhatsApp & Instagram - Down 🥴
-------
العُطل دا سبب ضرر لناس كتير ع المستوى العملي
الفيس و الواتس و الإنستا ، مش مجرد تسلية و صحاب
فيه ناس شغلها و حياتها العملية متعلقة بالتطبيقات دي
و العُطل كل الوقت دا ، أثر عليهم جداً بـ السلب 🧐
حتى شركة فيسبوك نفسها خسرت كتير برضو من التوقف دا
------
الموضوع غريب ، تفتكروا إيه السبب ؟
هل ضغط ع السيرفرات أو تحديث !
هل حصل خلل مفاجئ ف قواعد البيانات 🤓
هل هاكر دخل و ضرب السيستم
و الدنيا وقعت و معرفوش يسيطروا ، و هنسمع عن بلاوي إتسربت
أعتقد دا السبب الأكثر منطقية و إقناعاً 👽
حتى الأن ، مارك نزل إعتذار فقط ، بدون ذكر أي تفاصيل عن العُطل !
و من الطبيعي يكون ف بيان من الشركة لتوضيح المشكلة
و نتمنى إن إللي حصل دا ميتكررش تاني أياً كانت الأسباب 🤨
------
ياريت بيانات أوردر السمك و الجمبري إللي طلبته من كم يوم
متكونش إتسربت يا مارك ، و يكون فيه حماية أكبر للخصوصية
مش معقول كدا 🤣
-------
تعليقات
إرسال تعليق
سيب أستفسارك وهرد عليك يانجم