صباح الفل عليكم ♥
جيل الرامات الجديد / DDR5 ، مش مُبشر أوي 🥺
مع ظهور تسريبات للتردد و وقت التأخير ف بعض الرامات
لقينا رام بتردد 4800mhz ، بتيجي بـ CL 39/40 !!!
مع العلم إن دا مش أكبر تردد ، و متوقع توصل لـ أعلى من كدا
و مع كل زيادة للتردد هيكون ف تأخير أكتر طبعاً 😱
حاسس إنهم وسعوا الجاكيتة فـ البنطلون ضرب 🤪
--------
جيل الـ DDR4 كان أقصى شئ مقبول مع كسر السرعة
لـ 3600mhz مثلاً ، هو CL18/22 ، و بعض الرامات كانت CL16/18 ⚡️
لكن إنك تزود التردد بمعدل 35% أعلى عشان الجيل الجديد
و قدامه 100% زيادة كـ معدل تأخير ، مش منطقي خالص 😕
الرام بـ الأرقام دي سيئة جداً ف رأيي ، لازم الكلام دا يتظبط 🧐
عموماً هنستنى جيل الـ DDR5 أول ما ينزل السوق
و نعمل بنشمارك و تجارب ، و نشوف الأداء بشكل كامل
وارد يخلف توقعاتنا و يقدم حاجة كويسة !
و هنتابعكم بالجديد بإذن الله 👌
تعليقات
إرسال تعليق
سيب أستفسارك وهرد عليك يانجم