صباح الفل عليكم ، بوست ماكر ف الصباح الباكر ♥
-------
بخصوص الكيسة الفضائية موديل (( Bloody GH30 )) 👽
جالنا إستفسارات كتير بخصوصها ، و كله عاوز ريفيو
أنا كنت من أشد المتحمسين للكيسة دي ، مش عشان أي حاجة
إلا السعر فقط ، كان عاملي تساؤل كبير !
و من هنا كانت المفاجئة الشنيعة 😃
أنا جيبت الكيسة من شهر ، بدايات نزولها ف السوق تقريباً
و للأسف رجعتها تاني يوم ! ، و مرضتش أصورها و لا أعملها ريفيو 😱
--------
المُختصر المفيد (( تقييم سريع )) 🧐
الكيسة كـ معدن ، ماتريال مش أحسن شئ ، و مش وحش ، شغال
و ف فئة الكيسات الفضائية ، يقارن بـ (( التكنو زون )) الفضائية
إللي محققتش مبيعات و إختفت من فترة ، و تصنيفها (( شعبي )) 🥴
المراوح ، هي دي المشكلة ، فاكرين فيديو شرح (( معنى ARGB ))
أهي دي لو هنصنفها ف الفيديو ، هحطها مع (( الليد الملون الرجب ))
مينفعش أصنفها RGB مُميز حتى ، لإنها أقل شئ ف الكيسة 😨
المروحة رديئة كـ خامات ، الإضائة مش قوية ، المودز مش كتير
لمبات ثابتة ، مفيش ريموت للتحكم 🤢
--------
الكيسة لذيذة كـ شكل ، و هتعجب الناس إللي بتحب الدوشة
خصوصاً الفيجرز إللي بتتلزق ع الباب و بتنور
لكن متطمعش ف شكل زي الفيديوهات بالظبط
لإنها ف الواقع أقل جمالاً من الفيديوهات الإحترافية بتاعتها
بس تظل حلوة مش وحشة 😕
و طبيعي يكون مراوحها و خاماتها مش أحسن شئ
هما زي أي شركة ، بيقدموا قيمة مقابل سعر 🤑
-------
الخُلاصة / لو عاوز تروق ع نفسك ، و تجيب شكل جديد فضائي
و متدفعش أكتر من (( 1200 جنيه )) ، متوسط سعر أي كيسة عادية
يبقى دي مناسبة جداً ليك 👌
أما لو عاوز كيسة فضائية مميزة
و معندكش مانع تدفع (( 400 جنيه )) زيادة
قدام مراوح أحسن و بـ الريموت + شكل سيمبل أكتر
يبقى الكيسة دي مش ليك خالص
و هات حاجة زي (( الشارك الفضائية )) هتكون إختيار أفضل 💪
------
لولا إختلاف الأذواق لبارت السلع ، و كل شخص أدرى بإحتياجاته 🙃
و السلام عليكم و رحمة الله و بركاته 😎
------
لو الكلام عجبك ، لايك و شير 👍
لو معجبكش إعتبره من وحي الخيال ، و لا يمت للواقع بـ أي صلة 🥺
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم