كلمتين مش هتلاقي حد يقولهملك ، ركز معايا ♥
بعد الخزعبلات و الكلام إللي سمعناه عن الجيل الـ 12
من مراجعات الضحك العربية ، طال عمرك 😃
كنت مستني جداً ظهور أول المراجعات الأجنبية
عشان أتابع معاكم تقييم المعالج ، لغاية لما يجيلي و أجرب بنفسي
دي صور من إختبارات كتير جداً سواء لـ برامج أو أداء ف الجيمنج
و بإختصار / لا جديد يُذكر و لا قديم يُعاد
نفس النسبة المعتادة من / 15 لـ 35 % زيادة عن الجيل السابق
--------
و كمثال للأداء ف معالج 12600 ، أفضل بـ نسبة بسيطة عن 11600
الزيادة ف الأداء دي إللي مش هتنقلك من مرحلة كلياً !
و تعتبر تحسن بسيط مش تغيير جذري 🧐
فـ هل إنت هتضحي بـ بوردة و معالج معاك ، و تخسر ف تمنهم
و تشتري معالج سعره مش رخيص نسبياً
كمان هتجيب بوردة هاي إيند بتدعم ddr5 ، سعرها رقم و قدره !
لإنك لو حدثت و جيبت بوردة ddr4 فئة متوسطة لـ الجيل الـ 12
هييجي الجيل الـ 13 و يلغي الـ ddr4 خالص ، يعني كدا التحديثة الجاية
هتضطر تبيع بوردة و معالج ، و تعيد الحوار كله من تاني 🥶
--------
قلتلكم من فترة إن الجيل دا يعتبر بداية الثورية
و إن الطفرة الحقيقية لـ إنتل ، بما فيه شغل الكور الكبير و الكور الصغير
و الـ ddr5 و كل الكلام الجامد دا ، هيظهر مع الجيل الـ 13
عشان كدا رأي خاص و وجهة نظر شهابية ، لو ناوي تحدث
و معاك حالياً جيل تاسع أو عاشر أو 11
أو رايزن 2000 أو 3000 أو 5000
عندك ، إستنى دقيقة ، متحدثش يا صديقي خالص
إستنى الجيل الـ 13 ، أو جيل رايزن الـ AM5 الجديد
لإنك هتاخد سعر أحسن ، و أداء أقوى ، و إستقرار أفضل 😉
--------
لو الكلام عجبك ، لايك و شير 👍
لو معجبكش ، إعتبره من وحي الخيال و لا يمت لـ الواقع بـ صلة 🥺
و لايك و شير برضو ، متبقاش غلس 😃
-----
تعليقات
إرسال تعليق
سيب أستفسارك وهرد عليك يانجم