الشاشات و تسريب الإضائة ، المشكلة إللي الناس بتعاني منها مؤخراً
و بيقعدوا ف خناقات كتيرة مع الوكيل و المحل
دا الرد ع رسايل كتير إتبعتت لنا
أولاً / مفيش حاجة إسمها تاخد الشاشة كدا غصب عنك
دا اسمه عيب تصنيع ، و كون الموديل كله كدا دا ميخليهوش طبيعي
ليه تاخد شاشة مبقعة يعني !!!
ثانياً / الوكيل مفروض يبدلهالك أو يديك فلوسك
و هيبقى غلطان لو معملش كدا
و حماية المستهلك هي الملاذ الأخير و هتجيبلك حقك
ثالثاً / أي مراجع موضحش المشكلة دي أثناء سؤاله أو مراجعته
تحطه بلاك ليست و متسمعش منه شئ تاني ، لإن مفيش مصداقية
-----
حالياً و حتى اللحظة دي أكبر نوع شاشات ف السوق فيه المشكلة دي
هي شاشات / ASUS و دا عن كذا تجربة شخصية
بعدها بعض الموديلات البسيطة من / Samsung - Gigabyte - Acer
دول الأشهر ف نقطة تسريب الإضائة
هنتابع الموضوع و هنعملكم قايمة بـ أرقام موديلات الشاشات
بحيث تخلوها بعيد عن إختياراتكم أثناء الشراء
لازم كل الموديلات دي تتسحب من السوق و نحترم المستهلك شوية
-----
تعليقات
إرسال تعليق
سيب أستفسارك وهرد عليك يانجم