صباح الفل عليكم ♥
ظهور شكل مُبرد المعالجات الجديدة من إنتل الجيل الـ 12
تصميم مختلف شوية للمروحة و المشتت نفسه
مع الاحتفاظ بنظام الكليبسات الشهيرة ف التركيب
كمان تم الإعلان عن أغلب إصدارات المعالجات تقريباً
هنشوف رجوع الـ i3 للساحة من تاني
بـ 4 كور ، و 8 ثريدز ، مفيش جديد ، زي الجيل القديم !
كذلك الـ i5 بإصدارته العادية الـ 12400
هيكون برضو 6 كور ، و 12 ثريدز ، نفس الجيل القديم !
مع إحتساب فارق قوة الأجيال طبعاً
لكنه نفس الكور و الثريدز متغيرش عن الأجيال الأقدم !
-------
أما الـ i5-12600k ، الفئة الأعلى من i5 و القابلة لكسر السرعة
هتكون 10 كور ، متقسمين 6 كبار + 4 صغيرين
و الـ i7-12700k ، هييجي بـ 12 كور ، متقسمين 8 كبار + 4 صغيرين
و هنعملكم شرح لتكنولوجي تقسيم الكور دي بالتفصيل قدام
-----
واضح إن الفئة الإقتصادية من المعالجات
مجرد ريفرش بسيط عن الجيل القديم ، و نفس كل شئ مفيش جديد !
و نظام الكور الكبير و الصغير و التعديلات كلها
موجودة ف معالجات الفئة المتوسطة و العالية فقط !
زي ما قلنا كذا مرة قبل كدا ، إننا بنشوف شئ ثوري جديد من إنتل
شرارته هو الجيل الـ 12 ، و بدايةً من الجيل الـ 13 و الـ 14
هنشوف فعلاً التطور الحقيقي لما يستقر و يبقى فعال أكتر
---------
توقع شهابي للفترة الجاية ، بناءً ع الأرقام و شوية حناكة 😜
هيحصل نفس سيناريو الجيل الـ 11
مفيش ف السوق معالجات و لا بورد جيل 12 متوفرة للفئة الاقتصادية
و الموجود هينزل بسعر غالي و كميات قليلة
هوبا الجيل الـ 11 هيسيطر ع الساحة و يبقى هو جوكر كل التجميعات
و هناخد نفس لفة السنة إلي فاتت لغاية ما الـ 13 ينزل
و بعدها الـ 12 يتوفر و يرخص
خصوصاً إن الـ 11 ملحقش ينزل ف السوق و محققش مبيعات كبيرة
بس اللفة المرة دي هتكون أسرع شويتين
لإن ف ظل وجود الـ i3-12100
هيكون فيه حرق و تسريع لعملية البيع ، لإنه نجم الفئة الإقتصادية
و الشركة مضغوطة و عاوزة تجري ف تحقيق التارجيت
و علم ع الكلمتين دول 😎
-------
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت لـ الواقع بـ صلة 🥺
و لايك و شير برضو ، متبقاش غلس 😁
------
تعليقات
إرسال تعليق
سيب أستفسارك وهرد عليك يانجم