معلومة ع السريع ، كلمتين مهمين مش هتلاقيهم برا /
ف غلط شائع و منتشر جداً إن (( البوتل نك ))
بيحصل لما يكون كارت الشاشة أضعف من المعالج
و المعالج أقوى من الكارت
ع سبيل المثال ، انت معاك كارت عتيق زي GTX 750TI
و بتركبه مع أحدث جيل للمعالجات / I7-12700K
كله هيقولك فيه بوتل نك يا معلم و هتسمع هبد للصبح
الموضوع مش كدا خالص ، كل ما ف الموضوع
إن الكارت ضعيف و المعالج قوي ، أه بس كدا أومال إنت فاكر إيه
بدون أي تأثير أو مشكلة ف الأداء إطلاقاً 😱
-------
أومال يعني إيه بوتل نك ؟ من الترجمة الحرفية / (( عنق الزجاجة ))
يعني الكارت RTX 3080 ، و إنت مشغله ع معالج / I3-2100 إللي إنقرض
و هنا بيحصل عنق الزجاجة ، أو خنق الوحش !
الكارت قوته جبارة ، بس مفيش معالج يخدم الموضوع و يترجم القوة دي
و هنا بيحصل (( البوتل نك ))
و دا العكس تماما عن ما هو مفهوم أو شائع لـ ناس كتير 🧐
يعني لو جيبت كارت ضعيف و شغلته ع معالج قوي جداً
هل هيحصل خنق لحاجة ، هل فيه قطعة مش هتطلع قوتها !
خالص و لا الهوا
و الدليل الصادم هو الكروت الإنتل المدمجة للمعالجات 😉
قوة الكارت مربوطة بالمعالج إللي يظهرها
أما قوة المعالج بتظهر بدون قيود ف إستخدامات كتير
و مش لازملها كارت قوي عشان تظهر
دا بعيداً عن التوافق و الجيمنج و تفاصيل كتير
إحنا بنوضح المنهج بشكل عام
-----
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت لـ الواقع بـ أي صلة 🥺
و لايك و شير برضو ، متبقاش غلس 😃
-----
تعليقات
إرسال تعليق
سيب أستفسارك وهرد عليك يانجم