صباح الفل عليكم ♥
أول تسريب لـ نتايج الجيل الـ 12 ، موديل I5-12400F
إللي أعلننا عنه من فترة و قلنا متستنوش منه شئ
لإن الشركة منزلاه كـ ريفرش بسيط ، هو و الفئة الاقتصادية كلها
و قلنا التطوير هيكون ف المعالجات المتوسطة و العالية فقط
و تقدر تراجع البوستات من الموضوع المُثبت 😎
زي ما إنتوا شايفين ، الفرق بسيط جداً كـ قوة
و رأيي الشخصي إنه ميستاهلش إطلاقاً التحديث
من I5-11400 لـ 12400 ، و دفع فلوس ف بوردة مختلفة
عشان ف الأخر تاخد الزيادة دي !!!
الضحك ف الموضوع إنه مأفور الفرق كـ ألوان و مساحة ف الصورة
بحيث تتوهم و تقول التفوق كبير ، تيجي تقرا الأرقام للتجربة
تلاقي فرق 30 نقطة و لا بتاع 🤣
الشئ الوحيد إللي يخلي المعالج دا إختيار مميز
هو إنه يتوفر ف فئة الـ 3000 جنيه
و ينزل ليه بوردة تحت الـ 2000 جنيه
وقتها هيكون ترشيحنا الأول للتجميعات و فعلاً يستاهل و ثوري
غير كدا ، بلح 😉
لسة منتظرين باقي النتايج للمعالجات التانية و هنتابعكم بيها
كل البروموترز سوحوا الناس و طلعوا الجيل دا تنين مجنح بكل فئاته
و كالعادة إحنا لوحدنا إللي نبهناكم ، علموا ع الكلام و متنسوش
و خليكم مؤدبين و روحوا إشتركوا ف القناة و إدعمونا زي ما بندعمكم 😁
-----
تعليقات
إرسال تعليق
سيب أستفسارك وهرد عليك يانجم