صباح الفل عليكم ♥
الجيل الجديد من AMD و إعلان نزوله للأسواق ف منتصف 2022
هييجي بـ تكنولوجي تصنيع 5 نانو ، و معمارية ZEN 4
و دعم رام Ddr5 و PCIe Gen5 لأول مرة
السوكيت الجديد AM5 هيبقى شبه الـ Intel LGA
و إسمه LGA1718 ، و مفيش سنون ف المعالج خلاص
السنون ع البوردة فقط ، مش هنضطر نشتري كولر تيفال ميلزقش 😃
كمان قالوا إن كل المُشتتات و المراوح بتاعة السوكيت الحالي AM4
هتركب عادي مع السوكيت الجديد AM5 ، و دي نقطة كويسة جداً
بس مفيش إعلان عن قائمة المعالجات و لا أي شئ حتى الأن
عموماً لسة حوالي 5 شهور و دي فترة كبيرة للتجهيزات
السؤال دلوقتي ، هل فعلاً AMD هتقدر تنافس الجيل الـ 12 من إنتل !
إللي حتى الأن مقدمش نقلة خرافية بالرغم من إنه متميز
هنشوف المعركة هترسى ع إيه ، و المستهلك هو الكسبان الأخير !
تتوقعوا تفوق مين ؟
------
تعليقات
إرسال تعليق
سيب أستفسارك وهرد عليك يانجم