فيه عضو معانا بعتلنا الكيسة دي ، هو مقتنع بيها لحد الجنون
قلتله مبروك و إشتريها ، بس إقرا البوست الأول 👇
معانا هنا أبحاث عبقرية نتج عنها كيسة من فئة الـ Full Tower
نفسي أعرف هما إعتمدوا إنها Full Tower بُناءً ع إيه !
من النظرة الأولى ع شكل الكيسة الخارجي
أغلب الناس هيقولوا إنها Mid Tower
الكيسة من شركة GIGABYTE تحت مسمى / AORUS C700 Glass
حسب مواصفات الموقع ، بتشيل 6 وحدات تخزين SSD 2.5
و 4 هاردات HDD 3.5
و دا رقم قليل جداً لـ كيسة فُل تاور ، و سعرها خيالي !
أصل إللي بيشتري كيسة فُل تاور ، مش جايبها عشان أوضته واسعة
هو ف أغلب الظروف و أكبر سبب ، إنه عنده هاردات كتير
و عاوز سلوتس تشيل معاه الدنيا دي كلها
أنا هنا عاوز أفهم الكيسة قدمت إيه من مميزات الفُل تاور !
غير إنها يركبلها كولر مائي 420 مم ، إللي محدش بيشتريه أصلاً !
دا حتى المراوح ، الكيسة أخرها مراوح 120-140 مم !
مش فاهم إزاي ، بس هي فعلياً متاخدش مروحة أكبر من كدا !
الكيسة دي مفروض متزيدش عن 4000 ج بالكتير
وقتها ممكن نبصلها و نديها فرصة ، و مش هتبقى أحسن أوبشن كمان
لكن إنها تتعرض بـ 7.500 ج ف المحلات !
دا خارج المنطق ، و أكيد ف حاجة غلط هنا 🧐
-------
تعليقات
إرسال تعليق
سيب أستفسارك وهرد عليك يانجم