صباح الفل عليكم ، جمعة مباركة ♥
نتايج حقيقية للكارت الجديد RTX 3050
الخُلاصة / أداء كـ فريمات شِبه موازي لـ GTX 1660TI/SUPER
كمان ظهر بعض الناس بتبيعه و جايبينه من برا
و عارضينه بسعر 9000 - 10.000 جنيه !
ف حين إنك لو هتشتريه من دولة عربية كـ مثال
هيبقى عامل حوالي 6500 جنيه شامل جمارك و ضريبة و كل شئ !
بس حاول تلحقه قبل ما تلاقيه Out Stock 🥶
----------
حتى الأن الكارت متوفرش بشكل رسمي عند المحلات ف مصر
و بـ تحنيكة شهابية ، سعره مش هيقل عن 9500 جنيه لما ينزل
طيب إزاي الـ 2060 بيتباع دلوقتي بـ 9500 جنيه كـ متوسط
و أدائه أقوى من الـ 3050 ، و بالرغم من كدا الـ 3050 هينزل بنفس السعر !
هقولك ، هو سعره مش كدا ، هو أخره 7000 جنيه يوم ما يتشقلب
لكنه ف أم الدنيا هيتحول لـ 9 و 10 ، و دا مش سحر دي خفة يد 🙃
-------
كارت الـ 3050 هياخد مكان الـ 1660TI/SUPER ، و الـ 2060
إللي مفيش قدامهم إلا إحتمالين 🧐
الأول / إنخفاض سعرهم لـ 7000 / 8000 جنيه كـ متوسط
و دا بعيد شويتين عشان الجشع ، بس هنخلي عندنا أمل
التاني / تعطيش السوق و عدم نشر الـ RTX 3050 بـ كميات
و عرضه بسعر غالي ممكن يوصل لـ 10.500 جنيه
و دا لغاية ما يتباع كل مخزون الكروت القديمة بالسعر الحالي المرتفع
و بعدها هيتخفض سعر الـ 3050 تدريجي ، قال يعني محدش واخد باله
لغاية لما يوصل لـ 9500 و يثبت ع كدا ، و هتختفي الكروت التانية تدريجياً
و دا السيناريو الأقرب ف رأيي 😎
-----
كارت الـ 3050 كـ أداء ، غير مناسب للمستخدم المتوسط ف 2022
و أنا شايف إنه كارت للفئة الإقتصادية المنخفضة !
فـ لما تخليه هو و ما يماثله من فئات بـ سعر بين 9-10 ألاف جنيه
يبقى إحنا حالتنا صعبة أوي ، و الوضع غبي 🥺
------
عدم إحترام للمستهلك ، عدم إحترام لمجتمع التكنولوجي بالكامل
و دا راجع لإن مفيش صوت حقيقي بيدافع و يتكلم
كله هامه مصلحته الشخصية و بس
لازم نعمل رابطة زي بتاعة (( البيه البواب )) كدا
و انا ابقى رئيس الرابطة ، هظبطكم 😂
تعليقات
إرسال تعليق
سيب أستفسارك وهرد عليك يانجم