المعالج الجديد من INTEL ، موديل / i9-12900ks
إللي يعتبر من إصدارات 2022 !
بيتفوق ف الأداء ع معالج Ryzen 9 - 5950x
إللي من إصدارات 2020 !
هنعتبر المقارنة منطقية نوعاً ما
لإن AMD ملهاش حاجة موازية للجيل الـ 12 ، هنعديها
الرايزن 5950x وصل سعره ف البدايات بـ 15.750 جنيه
و ف أرخص فتراته ، وصل لـ 14.000 جنيه
و بقاله فترة كبيرة ثابت ع نفس السعر 🙃
و من أول 3.500 جنيه ، هتقدر تجيبله بوردة محترمة
تكسر عليها سرعة و تعيش يا ريس
يعني إجمالي / 17.500 ج تقريباً 👌
إحنا هنا قدام إصدارة للأسف فيها حرف الـ S من إنتل !
و إللي ميعرفش الحرف دا يعني إيه و لا هيأثر إزاي ع المعالج !
ينزل لـ أول كومنت هيلاقي حلقتنا لشرح حروف المعالجات 👇
بعيداً عن إنه متفوق ع واحد من أعلى معالجات AMD
لكن برضو نقطة السعر هتفرق جداً
لإني عشان أجيب بوردة جيل 12 تقبل كسر سرعة معقول
هدفع من أول 5.000 جنيه فيما فوق 😟
يعني المعالج دا عشان ينافس معالج أقدم منه بسنتين
مفروض ينزل بـ سعر لا يتجاوز الـ 9.500 جنيه
بحيث التوتال يكون / 15.000 ج تقريباً بوردة و معالج
و بالشكل دا المعادلة هتبقى محسومة لـ الإنتل بإكتساح 💪
خطوة لذيذة من إنتل و متفائل بالنسبة للتسعير
لإن نقطة إن معالج K و S ف نفس الوقت مش بتحصل كتير
و أكيد دا معمول لتوفير التكاليف 🤫
------
تعليقات
إرسال تعليق
سيب أستفسارك وهرد عليك يانجم