كارت الميموري يعتبر شئ جانبي لناس كتير
محدش بيركز ف براند أو تفاصيل و مواصفات
لكن الناس إللي بتصور تحديداً هما إللي عارفين قيمة الكارت كويس
و لازم يراعوا مواصفاته و عوامل إختياره
لإنه شئ مهم و أساسي ف الشغل ع الكاميرا سواء صور أو فيديو
شركة سابرينت عملت كارت ميموري جديد / Sabrent Rocket V60
الكارت بيستخدم كنترولر جديد و قوي بـ الإضافة لـ شرائح TLC
المميز هنا هو الأحجام المتوفرة منه
معانا مساحات ضخمة / 128 - 256 - 512 جيجا !
و سرعته بتوصل لـ 270 ميجا ف الثانية !
لو بتفكر ف كارت ميموري لـ شغلك ع الكاميرا تحديداً
تخزن عليه فيديوهاتك أو صورك إللي خايف يحصلها أي تلف
لازم تشتري كارت ميموري قوي من براند محترم
بحيث يحافظلك عليها و ميحصلش مشاكل معاك
------
تعليقات
إرسال تعليق
سيب أستفسارك وهرد عليك يانجم