دور المراجع التقني الحقيقي أو المختص بـ المجال
إنه يفهمك حقوقك و يكون صوت يتكلم بـ النيابة عنك
دوره إنه يكون وسيلة ضغط لمواجهة أي إحتكار أو غلط من الشركات
مش إنه يكون مطبلاتي و يطبل لـ أي خاصية أو منتج و بس
لما بعض الشركات تنزل خاصية جديدة و تمنعها ف كروت بقالها شهور
كروت الناس إشترتها بـ ألاف غالية مش رخيصة
يبقى دور المراجع إنه يهاجم الشركة ع القرار الغلط دا و يخليهم يصلحوه
مش يقعد يطبل للخاصية الجديدة و أد إيه هي رهيبة
و إللي إشترى يولع ف نفسه خلاص و يرمي حاجته و يشتري جديد
الشركات المحترمة نزلت براكيت للسوكيت الجديد لـ الكولرز القديمة
عشان الناس متشتريش جديد و خلوهم يستخدموا نفس الكولر القديم
مع إن دا منتج لا يتجاوز 3 ألاف جنيه ف المتوسط
و إحنا هنا بنتكلم عن كروت شاشة سعر القليل فيها هيكون 8000 جنيه
و الشركة عاوزاك ترميه أو مش هتستفيد بـ خاصية هتزود قوة الأداء
إبتزاز رخيص لأبعد درجة و غير مقبول من الشركات
و تسويح و إستحمار من المراجعين للمستخدم البسيط
إعرف حقوقك و شوف بتتابع مين و نضف دماغك
------
تعليقات
إرسال تعليق
سيب أستفسارك وهرد عليك يانجم