تاني لعبة عظمة هنستناها الفترة الجاية
الجزأ الجديد / Battlefield - 2042
من الفيديو الدعائي لاحظت تفاصيل كتير جداً
هتلاقوني سايبه ف أول كومنت 👇
طبعاً دا مش جيم بلاي فعلي عشان يبقى الكلام دقيق
بس برضو فيه تفاصيل مفروض إنها تبقى موجودة
ما هو مش إعلان و السلام يعني
-------
شكلنا هنشوف جيم بلاي مختلف عن الأجزاء إللي فاتت
توجه القصة لحروب المستقبل القريب
و دا محصلش قبل كدا ف تاريخ السلسلة
الطيران بـ الـ Wing Suit ، و دي حاجة جديدة
الخروج من الطيارة و القتال ف الجو و الرجوع تاني ليها
الأسلحة و نظام التحكم فيها
العربيات إللي ممكن تركبها و تنوعها
الإعصار إللي ف الاخر أعتقد إنه يرمز لـ باتل رويال و إنه الزون
دي تحنيكة جدعنة مني كدا 😃
-----
تعديل *
اللعبة مفيهاش باتل رويال و لا مهمات أوفلاين 🥵
حسب تصريحات الشركة (( ملتي بلاير فقط ))
الكلام دا ف رأيي الشخصي هيضعف موقفها
و هيأثر بشكل كبير ع مبيعاتها و إنتشارها
لإنها هتبقى غالية ف البداية و مش كله هيقدر يشتريها
و أتوقع سعرها بين 50 و 70 دولار ، بما يعادل 1000 جنيه كـ متوسط
-------
ع كل حال ، متحمس جداً و منتظر أول جيم بلاي فعلي 🤩
و كالعادة إنتظروا تجربة و انطباع ليها أول ما تنزل ♥
تعليقات
إرسال تعليق
سيب أستفسارك وهرد عليك يانجم