كارت AMD الجديد ♥
الناس اللى متابعانا هتفتكر إننا من فترة عملنا موضوع
إسمه AMD الغدارة !
تقدروا ترجعوله ف البوست المثبت لو مشفتوهوش
قلنا فيه إن الكروت الجاية لـ AMD هتكتسح و فيه أمل كبير عليها
و مع تحديثات السوفت وير بتاعتهم إللى طورت أداء كروت الجيل الحالى
متوقع جداً إن يحصل طفرة ف الجيل الجديد .. و قد كان 😉
----------------------------
كارت RX 5600 XT
الكارت إللى بييجى ب ذاكرة 6 جيجا من نوع GDDR6
و تكنولوجي تصنيع 7 نانو ، و بيدعم PCI EX4
و الباص بتاعه 192 بت ، و بمعمارية RDNA المعدلة من AMD
لو تفتكروا كمان قبل كدا قلنا إن المعمارية دى جواها دهاليز غريبة
و AMD شبه أكدت إنها هتدعم من خلال تطويرها خاصية ال RAY TRACING
و إنها هيبقى فيها تعديلات كبيرة ع الأداء قدام
تباً لنبوئاتنا اللعينة 😇
----------------------------
مفروض إن الكارت دا نازل عشان ينافس 1660ti
لإنه تقريباً نفس الفئة السعرية أو قريب ليها
لإنه بييجى ب 300 دولار تقريباً .. يعنى ب المصرى و بعد الجمارك و الحبشتكانات
أعتقد هيبقى ما بين 5500 و 6500 جنيه .. هنعرف قريب 🧐
----------------------------
المهم انه فاجئنا بعد البنشماركات لمختلف الجيمز و معدلات الأداء
إنه تفوق ف أوقات كتير ع ال RTX 2060 !!!
مكنش موازى له فقط أو بيحاول يوصله ، لا دا تخطاه كمان ف بعض الحاجات !
الموضوع إللى منتهى قلة الأدب بصراحة و محزن جداً
لأى حد عنده 2060 زى حالاتى كدا 😂
----------------------------
الشركة دى مش لاقية حد يقولها إنتى بتعملى إيه !
بعد جريمتها ف حق المعالج ال INTEL المحترم بأجياله التامن و التاسع
لسة مستمرة ف غباوتها و بتقول كلمتها ف مجال كروت الشاشة كمان
قوة كـ سعر و كـ أداء .. إكرررررمهم يا رب 😅
عاش جداً الكلام دا و مصلحة للمستخدم الغلبان زى حالتنا أولاً و أخيراً
و طبعاً ف إنتظار رد NVIDIA إللى معتقدش إنه هيبقى متفسر ع هيئة كارت
أكتر من إنه هيبقى تخفيض للأسعار .. نبوئة تانية أهى 😃
----------------------------
ف إنتظار توافر الكارت ف السوق المصرى و التجربة الفعلية ليه إن أمكننا
إتمسوا بـ الخير 😃
تعليقات
إرسال تعليق
سيب أستفسارك وهرد عليك يانجم