هيا بنا .. Assassins Creed Odyssey ♥
.....................................................................
ف الجيمز .. نظرتى مختلفه شويه عن كتير .. أنا شايف /
رقم 1 - الجيم بلاى ... Gameplay
رقم 2 - الجرافكس ... Graphics
رقم 3 - القصه ... Story
رقم 4 - الأصوات ... Sounds
أنا مش من الجماعه بتوع .. القصه اولا و نفهم و بتاع
لو عاوز قصه روح اتفرج ع فيلم يا عم متصدعناش 😃
و دا مش معناه عدم اهتمامى بالقصه .. هي مهمه طبعا و مقدرش أتجاهلها
لكن متقنعنيش بـ إنى ألعب لعبه .. الجرافكس فيها سئ و الجيم بلاى ممل
لمجرد إن قصتها رهيبه ! .. مش منطقى خالص يعنى !
و برده مش هلعب لعبه سيئه كـ جيم بلاى و أصوات و قصه
لمجرد إن الجرافيك بتاعها رهيب !!! بحس دا برده مش منطقى !
لكن اللعب يعنى جيم بلاى .. يعنى راحتك و متعتك و انت بتلعب و مش زهقان
الجرافيك بعد وقت عينك هتتعود عليه طالما مش قبيح يعنى
و القصه هتندمج معاها ايا كانت .. و تقدر تتجاهلها لو مش عاجباك
لكن الاهم و محور تكملتك ف اللعب .. هو الجيم بلاى نفسه
و مثال ع دا إننا بنشوف جيمز كتير .. الجرافيك مش قوى و مفيهاش قصه
لكن ليها محبين كتير جدا .. لإن الجيم بلاى .. عجبهم و فيه متعه
عشان كدا رأيى ف اللعبه هيبقى من منظور إهتماماتى
و هيبقى حاجه بسيطه و سهله بدون تعقيد و تفاصيل
لمجرد إنك تعرف الزتونه ...
تعالى أقولك 😃
--------------------------------------------------------------
مبدئيا و قبل أى حاجه .. اللعبه معمولها أوبتميذيشن محترم جدا
بمعنى إنها بتشتغل بـ سلاسه و مفيهاش أى مشاكل تقنيه
الأداء دا أفضل من أداء أورجنز من بدايتها و حتى أخر أبديت
انا جربتها ع جهاز / i3 جيل تامن .. و كارت شاشه 1060-6 .. و رام 16
الإعدادات ع الـ ( very high )
و حاجات قليله ع الـ ( high ) و الريزولوشن .. 1920 * 1080
اشتغلت بمعدل 55 - 60 فريم ثابت .. بإختلاف الأماكن
و دا طبعا أداء ممتاز ...
------------------------------------------------------------
بعد 3 ساعات تجربه .. الخطوط العريضه
1 - الجرافيك محترم .. أعلى من origins ف بعض التفاصيل
خصوصا ملامح الوشوش و تفاصيل المياه و الحيوانات
البيئه ممتعه .. لما تطلع فوق حته عاليه او تبقى ف البحر
المنظر لذيذ جدا و هتحس بـ حب لـ الإستكشاف
2 - الجيم بلاى .. فيه تحسينات كبيره عن أورجنز
الحركه أسرع - بدون تقل او اخد وقت ف التنقل عموما
الشخصيه بقت حره أكتر
3 - الكومبات .. ممتاز جدا و فيه تحسين عن أخر جزء
خصوصا الكومبات الى ع ستايل sparta
بتبقى فيها وسط أعداد كبيره جدا و بتقاتلهم
و دى حاجه أول مره تتعمل ف اللعبه بـ الشكل دا
4 - فيه أكشن بتيجى slow motion
زي منظر الدم و صدك لـ الضربات
ممتعه جدا لـ العين .. فكرتنى بـ مسلسل spartacus
دى برده أول مره تحصل ف اللعبه
5 - إضافة الإسكيلات إلى تقدر تستخدمها اثناء اللعب
زى حركة ضربة الرجل بتاعة this is sparta و غيرها
دى حاجه جديده أول مره تتعمل ف اللعبه
6 - إختيار الحوارات و الأحداث
دى إضافه جديده لأول مره ف اللعبه
بتخليك تختار سيناريو القصه ماشى إذاى
تاخد قرارات مختلفه براحتك
و دى هتبقى مؤثره عليك ف الأحداث
7 - هتلاقى ف الجزء دا إمكانية إنك تجند حد من إلى بتحاربهم
و تخليه معاك ف الطقم بتاع السفينه .. دى إضافه جديده أول مره تتعمل
شبيهه بـ لعبة Shadow Of War و ضمك لـ الأوركس
8 - الـ Stealth واخد حقه هنا بـ زياده شويه عن أورجنز
لإن ف مهمات عديتها كلها بـ التخفى و دى كانت أنسب طريقه
و جربت أعديها Fight لكن مت كذا مره
حتى الان مفيش مهمه كامله بـ تجبرك تلعبها Stealth
كله من إختيارك المطلق
------------------------------------------------------
اللعبه مش سيئه و ممتعه جدا .. و فيها تعديلات زى ما وضحت عن أورجنز
لكن برده مش هيبقى غلط لو انت سميتها BIG DLC لـ أورجنز
دا مش إنتقاص منها .. هو تشبيه لـ الشكل العام مش أكتر
لإن ال Theme إتعدل مش إتغير كليا
لكن إلى هيلعب هيشوف الفرق بنفسه و هيلاقيها تستحق التجربه
.............................................................
لو الكلام عجبك .. لايك و شير
لو معجبكش .. إعتبره من وحى الخيال .. و لا يمت لـ الواقع بـ صلة
و لايك و شير برده .. متبقاش غلس 😃
 |
تعليقات
إرسال تعليق
سيب أستفسارك وهرد عليك يانجم