مش كتير سمعوا الكلام لما قلنا متشتروش كروت
و كله راح يجيب جديد و يدفع ألفين و أربعة زيادة فوق سعره
و الشعب كله إتحول لأثرياء 🙂
هتقولي شغلي و محتاجه ، هقولك خد موقف و مشي حالك بالمتاح
إللي مش هيعدن و هيكسب ، ملوش أدنى مبرر يشتري كارت بالغالي
كل الشركات بتستهبل و بتلمح لرفع السعر أكتر
السعر الرسمي إللي هو أصلاً مش بيتطبق
و السوق هنا مش فاهمين حاجة و بيدوسوا ع إللي قدامهم
لإن قبل منهم الوكيل دايس عليهم ، و جمعية و دايرة ع الكل
و محدش ظالم و محدش مظلوم
-------
عموماً زي ما وضحنا من فترة ، الأزمة مكملة معانا لأخر السنة دي
نتوقع الإنفراجة بدايةً من شهر 9 حتى أوائل 2022
-----
متشتروش متشتروش متشتروش
دا كلام مفيش أي بروموتر و لا حد بيتعامل مع شركة هيقوله
ببساطة لإن الشركة هتقوله إزاي بتقول للناس متشتريش
إنت بتوقفلي منتجي يعني ! و هتوقف معاه أي تعامل و هيخسر
و ميقدرش يتكلم لإن أغلبهم عايشين ع السبوبة دي
أنا مش بنصحكم لإني برا الليلة و مش بتعامل مع شركات
أبسولتلي ، أنا قدامي 100 فرصة أتعامل مع شركات أو وكلاء
بس مش بسعى من الأساس ، لإنه مش هيزيدني إطلاقاً
دا هيزيد المحتوى أو الشخص إللي بتعامل معاه 🙂
الموضوع بشوفه حاجة إضافية ، لو فضيت و عملتها إشطة
معملتهاش ، فـ بناقص شغلة الدماغ و مش فارقة
أنا ليا إتجاه تاني شغال خلاله و مبسوط فيه و مش ملاحق عليه 😃
----
خدوا موقف و متبقوش وقود إللي بيحصل
الموضوع عاوز إرادة و صبر .. مشوا حالكم ببدائل
نقطة المياه بتفتت الحجر ، بس نتحد مرة واحدة ع الصح 🙁
و قريباً هنشوف الكلمة المكتوبة ع الصورة دي ف الأسواق
للبيع بالسعر العالمي العادل ...
تعليقات
إرسال تعليق
سيب أستفسارك وهرد عليك يانجم