شوية أخبار شهابية ع السريع كدا عشان تبقى متابع /
-----
1 - التريند إللي مجنن الدنيا كلها بتاع لوجو شاومي Xiaomi
معلش إعذرني يا فندم أنا ليا وجهة نظر مختلفة
لإن واضح إن بنسبة 80% الموضوع ماركتنج مش أكتر
و اللوجو كان مكن يتغير حوافه من سكات و بدون الحاجة للهري دا
بس شاومي بتقول أنا موجودة و بتعمل إعلان بطريقة ساخرة
دا إسمه إفلاس يا فندم ، و إوعى تقيس إنه نجح بنائاً ع إنه بقى تريند
أبسولتلي ، فيديو الراقصات و خناقات الراب ، بتطلع تريند عادي
زي ما ياما بنقول ، مفيش قيمة حقيقية للشئ و كله ماشي ورا العداد
حركة غير موفقة ف رأيي ، كسبتوا كـ ماركتنج ، و خسرتوا كـ إحترام 🤮
-----
2 - ف أخبار حلزونية بتقول إن ربما بعض شركات البطاقات الإلكترونية
فيزا VISA كـ مثال ، تقبل التعامل فيما بعد بـ عملة البيت كوين !!!
و دا خبر خطير لأبعد الحدود لو إتأكد و إتنفذ فعلاً
موازين كتيرة جداً هتتغير ف خريطة الأموال و التعاملات العالمية
و محتاج حلقة و موضوع كامل لوحده عشان يتشرح 🤓
-----
3 - الجيل ال 11 من إنتل INTEL طلع تعبان زي ما عمو شهاب قال
و حاجة كدا بيسندوا بيها نفسهم لغاية ما الجيل ال 12 ينطلق
و يدعم الـ DDR5 و الحبشتكانات الجديدة و يبقى إضافة حقيقية
بس مش هنعمل جيل يعني السنة دي ، الناس تاكل وشنا
إديهم الـ 11 ف المصلحة و غير شكل البوكس كمان ، خليهم ينبسطوا 😁
-----
4 - لعبة CyberPunk 2077 نزلها أبديت ضخم حوالي 50 جيجا
يعني بإختصار هتعمل دونلود لـ الجيم من الأول
و يٌقال إنه من أكبر التحديثات ف تاريخ الألعاب
و صحح تقريباً كل مشاكل اللعبة و يعتبر إنطلاقة جديدة
السؤال هنا ، الناس إللي بتاخد ملايين و شغالة ف التطوير
و القسم المُختص بالتجربة أصلاً و مبيعملش حاجة غير كدا
كان متقل ف الفطار وقتها و ملاحظش المشاكل دي و لا إيه ؟
أصلكم إنتوا إللي لبستوا وقتها و كان إطلاق مش موفق
عموماً إللي حملها تاني و جربها يقولنا تجربته
تعليقات
إرسال تعليق
سيب أستفسارك وهرد عليك يانجم