صفحات جيمزي و مايندي بيبسي 😃 كارثة بكل المقاييس
كمان التعامل ف جروباتهم سئ جداً ، سواء مشرفين أو أدمنز
لقيت بنت مفروض إنها مشرفة هناك داخلة تتكلم بألفاظ
أقل ما يقال عنها إنها وقحة و قذرة ، لا تليق بـ شاب سرسج مش بنت !
أنا مش متخيل إن واحدة مفروض ف السن دا و أسلوبها كدا !!!
طردتها طبعاً من الصفحة لإن مفيش مكان للأشكال دي هنا
مع العلم إنها لو كانت طولت كان ممكن أقاضيها و أبهدلها
بس للأسف ببص ع البروفايل لقيت أطفال كالعادة
فـ هنضطر نتحمل الكلام دا و منأذيش حد عشان حرام
لإن كله من ورا شاشة أسد و ف الحقيقة بيرجعوا يعيطوا 🙂
------
خدوا الكوميديا دي بأه ، مسحوا البوست من صفحتهم بعدها 🤣
طيب لما إنتوا بتغلطوا كدا و مش فاهمين حاجة ، مش عيب كلنا بنقع
ليه مش بتعترفوا و تشكروا إللي بيصححلكم الغلط !
بدل ما تيجوا تشتموا و تتبجحوا ! البشر ليهم العجب 🙁
المسئولية ع إللي مخليهم ف أماكنهم ، و يارب دي تكون رسالة
أغيثونا أغيثونا 😃
-----
ف النهاية هعلق ع المعلومة الحلوة دي
لإني بفهم شوية ع أدي ف مجالي و هتكلم بنائاً ع كدا
الكاميرات حالياً وصلت لـ 150 ميجا بيكسل
كمان ف إتجاهات لـ 200 ميجا بيكسل ف الكاميرا عادي جداً
دي أول معلومة غلط ، المصدر ف أول كومنت
تاني حاجة غلط
عين الإنسان لا يمكن قياسها بـ الميجا بيكسل أصلاً
الموضوع معقد جداً و لا يجوز تحديد إجابة ليه
زي ما وضحنا ف موضوع لو الإنسان كمبيوتر قبل كدا
قلنا إن الإنسان عينه لا نهائية ف حدود الرؤية ، سبحان الله
و الدليل البديهي البسيط المُجرد ع كدا
إنه هيتمكن من رؤية كل التقنيات بكل تطورها !
يبقى كدا هو عنده الهاردوير الأبدي و ناقصله السوفت بس
إللي عبارة عن / تطوير الكاميرات و العدسات إللي بيتم بإستمرار
------
ياريت متتكلموش ف حاجة تقنية متعرفوش فيها تاني
و خليكوا صفحات لنقل مواقف و أخبار ترفيهية مش أكتر
تعليقات
إرسال تعليق
سيب أستفسارك وهرد عليك يانجم