شركة Nvidia بتقول إنها هتعطل إمكانية التعدين
او بمعنى أدق ، هتضعفه ف إصدارة تعريفات جديدة
و خصوصاً كروت 3060 الجديدة ، بنسبة 50% تقريباً أقل
بحيث الموضوع يكون للجيمرز أكتر
و يواجهوا الإستغلال الوحش الحكير بتاع المُعدنين
و إنهم هيعملوا كروت مخصصة للتعدين بس
عشان الأشرار إللي بيعدنوا يشتروها و يبعدوا عن الكروت العادية
لازم الإحتكار بتاع المُعدنين ع كروت الجيمنج ينتهي
ف نفس الوقت شركة ZOTAC إمبارح نشرت صور
ما معناها إنه يا مرحب بالتعدين و هيا بنا نُعدن المزيد !
و حطت صور لكروت ف ريج حلو كدا و لذيذ 🙂
------
الوضع إللي يخليك تبص من فوق كدا و تقول / يااااه ياااه ياااه
و الله ردي كـ شهاب ع الموضوع دا هو / 🤣😂😂😂😂😂🤣
عارف إنت لما حد يستغفلك و إنت عارف إنه بيستغفلك
يقوم هو عامل حاجة فاكر إنها خبيثة ، بس إنت قافشه
و يكون من جواه بيستغفلك فيها برضو
عشان يثبتلك بيها إنه مش بيستغفلك أصلاً و قلبه عليك !
تقوم إنت مصدق إنه مش بيستغفلك و تصدق الإستغفال الجديد
و تفرح و تظيط و تروح تمسك ف مشاكل فرعية و تسيب الأساس
أهو دا بالظبط إللي حصل من الشركة دي ف تصريحاتها الأخيرة
----
نقطة الضوء الوحيدة هي إعلان AMD
و نتمنى إصدارة إقتصادية نضيفة تشقلب الموازين كالعادة
-----
الله يعوض ع العقول الواعية و ع المستهلك الغلبان
إللي مش فاهم يقول ميتكسفش
و لو وقتي العظيم يسمح هبقى أرد عليكم ف كومنت
أستغفلكم انا كمان شوية بأه ، هي جت عليا 😃
تعليقات
إرسال تعليق
سيب أستفسارك وهرد عليك يانجم