بوست تافه ليس له أي قيمة ...
----
الناس بتتجاهل الحقيقة و تغمي عينيها بمزاجها
لإن الوهم جميل و سهل ، و الواقع صعب و مؤلم
و بيفضلوا ينزلوا بشعارات و كلام كداب و هما عارفين إنه غلط
بس يلا عشان المنظر ، و إركب التريند مع القطيع و خلاص
مع إننا لو كنا رجالة ، أو حتى بني أدمين حقيقيين
و واجهنا الغلط و لو لمرة واحدة و صلحناه ، فـ الوضع هيختلف جداً
و كل الشعارات التافهة الكذابة إللي بنرددها بلا وعي
هتتحول و تبقى حقيقة نفتخر بيها من جوانا بجد
الحقيقة دايماً أحلى بينا و بإضافتنا الحلوة
بس دا مش هيفهمه عشاق الأحلام السوداء
بس سيبك إنت ، مصر أحسن بلد ، و مراجعينا أحسن مراجعين
و البروموترز بيخافوا ع مصالحنا ، و الممثلين بيقدموا رسالة
و الكورة عندنا مزيكا ، و الغناء هنا طرب ، و الدكاترة ملايكة
و المهندسين ف طبقة تانية ، و الفنانين زي الرُسل
و الصعيد أحسن رجالة ، و الفلاحين هما الأصل
و أي حد مش من القاهرة يبقى فلاح و يع
و اللي مش لابس ع الموضة يبقى قديم و جدو
و اللي أكسنت الانجلش بتاعته مش امريكان يبقى جاهل
و البنت زي الولد مهياش كمالة عدد
و اللي معاها مؤهل عالي مينفعش تتجوز بـ أقل منها
و لفي بينا يا دنيا مرجحينا يا دنيا
و السلام عليكم و رحمة الله و بركاته 🙂
تعليقات
إرسال تعليق
سيب أستفسارك وهرد عليك يانجم