حل إشكالية و حيرة الإختيار
و توفير كلام كتير جدا .. و مقارنات ممكن تتعمل
ال intel 8th vs ryzen .. إيه الاحسن ؟ .. الخلاصه /
------------------------------------------------------
لو بنسبة أكبر .. بتلعب و محتاج أفضل أداء لـ الجيمز
لكن أحيانا ممكن تشتغل مونتاج و جرافكس
يبقى intel بدون تفكير .. و إستفيد بـ أداء السنجل كور الأفضل ع الإطلاق للجيمز
و هتاخد أداء متزن جدا ف المونتاج و الجرافكس
أما لو العكس .. و شغلك الأساسى مونتاج و جرافكس
و أحيانا بتلعب .. لكن الاولويه عندك لـ الشغل
يبقى ryzen بدون تفكير .. و إستفيد ب الكورز و الثريدز الأكتر
و الأداء المحسن ف الملتى تاسك
و برده مش هتاخد أداء وحش ف الجيمنج
------------------------------------------------------
الفرق ف الملتى تاسك .. إلى هى المهام المتعدده إلى بتتوزع ع الكورز
و برامج المونتاج و الرندر بشكل عام
لـ صالح الرايزن بمعدل 20 % تفوق ع الإنتل تقريبا كـ متوسط
و الفرق ف الجيمز لـ صالح الإنتل متفاوت بشكل غريب
بعض الجيمز فرقها 3 فريم .. و جيمز تانيه فرقها 20 فريم !!!
خصوصا ع دقة 1080p .. و دا غريب جدا !
----------------------------------------------------------------
دا كلام عام طبعا .. مقلناش هنا عامل مهم زى فرق الاسعار مثلا
لو الميزانيه لقيناها زادت مبلغ كبير ف التجميعه الإنتل
و دا فوق طاقتنا ف الدفع و البدجت محدوده
و بالرغم من إن إستخدامنا هيكون جيمنج مثلا
يبقى طبعا الرايزن .. هو أفضل حل وقتها !
و هنضحى بشوية فريمات أهـ .. لكننا هناخد أداء محترم مقابل السعر
لإن ف الأغلب .. أسعار ال amd بتبقى أرخص من ال intel
و كمان ryzen مقدمه فئة مدمج بيها كارت شاشه أدائه مش وحش إطلاقا
و بيوفر عليك إنك تجيب كارت خارجى .. و دا هيناسب الفئات المنخفضه طبعا
الموضوع نسبى حسب ميزانيتك و قدرتك - بس كدا 🙂
-------------------------------------------------------
لو الكلام عجبك .. لايك و شير
و لو معجبكش .. إعتبره من وحى الخيال و لا يمت لـ الواقع بـ صله
و لايك و شير برده .. متبقاش غلس 😃
تعليقات
إرسال تعليق
سيب أستفسارك وهرد عليك يانجم