طريقة إيقاف الأبديت لـ الوندوز و إيقاف ال وندوز ديفندر
Turn Off Windows Update & Windows Defender
ناس كتير بتعانى من المشكله دى و مبيعرفوش يقفلوا الأبديت أو الديفندر
و حتى لو قفلوهم .. بمجرد ريستارت يرجعوا يشتغلوا تانى أوتوماتيك
و فعلا الموضوع دا رخم لإنه بيخليك تعمل أبديت بـ العافيه
و الديفندر بيمسح حاجات كتير من نفسه و يبوظ الملفات
الكلام دا فيه الخلاصه و طريقه فعاله و سهله جدا و مجربه ع وندوز 7-8-10
------
هتفتح قايمة RUN
و هتكتب فيها GPEDIT.MSC
هتختار من ع الشمال Administrative Templates
هيفتحلك ع اليمين إختيارات .. دوس ع Windows Components
كدا إحنا فتحنا القايمه الاساسيه للتحكم ف قفل الديفندر و الابديت
لو عاوزين نقفل الأبديت
هتدور ع إختيارWindows Update و دوس عليه
هيطلعلك من شوية أوامر .. إختار / Configure Automatic Updates
و علم نقطة ع كلمة Enabled
ف نفس الشاشه هيظهرلك إختيارات تحت
هتلاقى سهم بيطلع منه كذا إختيار
هتختار منه / Notify For Download And Auto Install
و تدوس OK ...
بعدها هتفتح كنترول بانل .. و منها تفتح Administrative Tools
و منها تختار Services
جواها هتلاقى Windows Update
تفتحها و تدوس Stop و فوقها ف شريط فيه مجموعة أوامر
هتفتحه و تختار Disabled و تدوس بعدها OK
و ألف مبروك عليك إلغاء التحديثات للأبد ...
لو عاوزين نلغى الوندوز ديفندر
هنروح ف القايمة الاساسيه الى جبنا منها الأبديت
هندور المره دى ع Windows Defender AntiVirus
و منها هنلاقى إختيار Turn Off Windows Defender
ندوس و نعلم نقطه ع كلمة Enabled
و تدوس OK ... و بكدا الديفندر هيتعطل للأبد
....................................................................
و فيه كذا ابلكيشن ممكن تسطبه بعد الخطوات دي يأكد ع قفل الديفيندر و الأبديت
لو عاوزينهم اكتبلونا نديكم اللينك
لو الكلام عجبك لايك و شير .. و لو معجبكش
إعتبره من وحى الخيال و لا يمت للواقع بـ صله
و لايك و شير برده .. متبقاش غلس 😃
تعليقات
إرسال تعليق
سيب أستفسارك وهرد عليك يانجم