الجهاز إللي كان من 4 شهور تقريباً
بـ 1800 جنيه ف سعر الجملة لـ الـ 50 قطعة
و بيوصل قطاعي لغاية 2300 حسب التاجر
حالياً جملته 2700-2800 !
و بيوصل قطاعي لـ 2900 - 3100 !
عن الجي وان - جيل رابع أتحدث
بـ رام 8 - هارد 500
و مش هجيب سيرة الـ أي سفن رابع
لإن دا طول عمره غالي بلا مبرر
و مش بننزله ف ترشيحات إلا ف أضيق الحدود
-----
مش هناقش أسباب و لا يعنيني سبب الغلاء
و زي ما حذرت قبل كدا المستوردين
و قلت إن أسعار المستعمل هتوصل للجديد و الدنيا هتفلت منهم
-----
طيب ف بعض التجار عندهم ستوك قديم
و بيبيعوا بسعر أرخص من كدا و إن كان غالي
بس بيحرقوا و خلاص عشان يكسبوا
و الباقيين إما بيدخلوا الشغل بصعوبة
أو أولريدي شاريين غالي ، و كه لابس ف الغلاء الغير مبرر
----
طب إيه الحل يا عم شهاب ؟
من الأخر ، السلعة إللي تلاقيها غالية عن المألوف
بشكل بشع كدا ، متشتريهاش و شوف بديل
و لو مفيش بديل و تقدر تصبر ، يبقى إستنى
متشتريش إلا لو إنت محتاج الجهاز بأقصى سرعة و مضطر
إنت لا هتاخد ميزة تستاهل قدام الغلاء دا
و لا هتستفيد بأي شئ إضافي ، عشان نعتبره مبرر للسعر
هو هو نفس المنتج بكل شئ ، مفيش شئ زاد إلا تمنه 🙁
----
و أنا كـ واحد ببيع مُقدر جداً الحال و الظروف و فاهم السوق
و هقولك أنا كمان ببيع و بسعر السوق الغالي عادي جداً
مش هشتغل بقال أثناء فترة الركود يعني 😃
لكن وجب التنبيه للأمانة
إن السلعة سعرها غالي و دا مش طبيعتها
زي ما دايماً بنقول للناس ف الرسايل و البوستات
و بيستغربوا جداً إننا أحياناً بنقولهم ميشتروش حتى لو مننا
-------
التجار مش كلهم وحشين ، و لا كلمة تاجر شتيمة
مش أي حد يبقى تاجر و يعرف يبيع و ينجح ع فكرة
هي بس الكلمة واخدة سمعة مش أكتر
كمان ف كتير من التجار مطحونين و إتأثروا الفترة دي بالسلب
بلاش نتحامل ع بعض و نأذي الناس ، دا مصدر رزق ليهم و لأسرهم
و إنت بكلامك المباشر و الغير مباشر بتحاربهم و ترتكب ذنب كبير
أكيد مش كلهم متعمدين الضرر بالمستهلك الأخير
ف نسبة منهم عندهم ضمير ، و إن كانوا قليلين بس موجودين
نعذر بعض لو السوء إتعمل بجهالة ، طالما مفيش قصد أذى
يبقى الإنسان إللي قدامك مش شيطان ، لإنه مش متعمد يضرك
------
عشان كدا أنا بعتبر أسوأ فئة و الأشد خطراً من التجار النصابين
هما البروموتورز المأجورين ، إللي بايعين نفسهم و ضمايرهم
بشفق عليهم لإنهم فعلاً مش مدركين عاقبة إللي بيعملوه
و بيلهثوا ورا الفلوس أو الشهرة بمنتهى الجوع !
الناس دي قنواتهم و صفحاتهم بتسمم عقول ألاف المتابعين
و بينتشروا بسرعة زي فيديوهات الراقصات و التيك توك كدا 😃
اسلوبهم رخيص جداً و مفضوح ، و فاكرين إنهم ناصحين و مش متشافين
و الجمهور مش فاهم إن مفيش أصلاً محتوى تقني و لا دول مختصين
و كله مبهور بالقطع إللي بيشوفها و التصوير ، و المحتوى بلح ف النهاية
بيمثل عليك عشان يقنعك إنه معاك ، لكنه شغال ضدك و بيستغفلك
و ف النهاية هم عبارة عن عاهرات يتمايلون حسب ما يوجههم سيدهم
و السيد هنا يمكن أن تعود ع المال أيضاً 🙂
و كلمة السر الخاصة بهم يا عزيزي هي / ( اللجان )
1 / عمل الشوشرة ، و مهاجمة أي شخص ، و الصياح
2 / الشير بـ الأكونتات المزيفة و أكونتات الأصدقاء
3 / عدد لا بأس بيه من الكومنتات المتشابهة
4 / توجيه الجمهور لـ فيديوهاتهم و صفحاتهم بـ العناوين الكليك بيت
و النتيجة = أحلى دعاية ضخمة مُبتذلة
هوبا المشاهدات و المشتركين يكتروا و يبقوا بـ الألاف
و كله جاي بالحرام و الشمال ، و دا يعكسلك أسلوبهم ف كل شئ
و تلاقيهم دايماً متواجدين ف فيديوهات بعض
ع طريقة نباح الكلاب و التجمع ، دايماً التعريض رايح جاي مجاملات
و لكم ف إللي بيحصل الفترة دي ع الجروبات عبرة 🤮
دايماً بنحذر منهم ، دا كمان لإننا إتعاملنا مباشرةً مع كذا شخص فيهم
و شفنا أخلاقهم الشخصية و تصرفاتهم ، لا يرتقوا لكونهم رجال أصلاً
و برضو مش كل البرموتورز وحشين ، التعميم مرفوض
إلا من رحم ربي ، إحنا بنحكي تجربتنا
--------
عشان كدا إحنا الصفحة الوحيدة و الأولى
إللي بيعنا جديد و أورجنال و مستعمل و شاشات
و مش فارق معانا البيع بشكل عام لإن دا شئ إتوجد بنائاً ع طلبكم
و المحتوى التكنولوجي ، و المساعدات ، هو دا الأساس بتاعنا ♥
كمان كنا دايماً بنحاول نعمل عروض جديدة
لما نلاقي سلعة مضروبة ف السوق أو نادرة أو غالية
بنغير المسار لشئ تاني موازي و أحياناً أفضل
و دايماً بنطلع بحاجات مميزة الحمد لله
-------
و دا مثال بسيط
عشان تعرف الفرق بين الصفحة التقنية المختصة
و صفحات البرموتورز المأجورين أو صفحات التجار
إنك تكون راجل ، إنك تتقي ربنا ، إنك تبقى فاهم حقيقى مش إدعاء
دا شئ صعب جداً ، مش أي حد يقدر يعمله
مهما كترت الصفحات و القنوات ، مهما زاد متابعينهم
الحق باقي و ظاهر ، و إللي بيفهم و جواه نقي هيميز الحلو و الوحش
لا تحسبن برقصها تعلوا أسيادها ، تبقى الأسود أسود و الكلاب كلاب
الحمد و الشكر لله ع نعمة غنا النفس و ع نعمة الضمير الصاحي
----------
لو الكلام عجبك ، لايك و شير
لو معجبكش ، إعتبره من وحي الخيال و لا يمت لـ الواقع بصلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم