اليوتيوب بيحاول يعمل حركة خبيثة جديدة
و بيجربها عشوائيا بقاله شهر تقريبا
و هي إنه هيشيل عرض الديسلايك من ع أي فيديو !
هيكون ظاهر لصاحب الفيديو فقط
و إنت كـ مشاهد مش هتقدر تشوف غير اللايكس فقط !
شفت الخبر من شهر تقريباً و مهتمتش لإني حسيته صعب التحقيق
لكن من كذا خطوة إتعملت و إتجربت ع بعض الأكونتات حالياً
واضح إن الموضوع هيتطبق !!!
------
طبعاً قرار كارثة و فيه حكر ع الحرية و نشر لـ القرف أكتر و أكتر
تحت مسميات حماية مشاعر الدباديب و شوية كلام فارغ
يعني إنتوا مش مكفيكم إن كل المجالات إتضربت
و لو هتكلم ع مجال التكنولوجيا تحديداً ، فـ هو مليان قرف
و كل وسيلتنا عن التعبير هي ضغط ديسلايك
عشان الناس تقدر تقيم المحتوى مبدئياً
و صُناعه ينتبهوا و يغيروه لو فيه أي مشكلة
و الموضوع نجح ف كذا فيديو قبل كدا
و غير مسار شركات و يوتيوبرز كبار
و كل دا من خلال عدد الديسلايكس
------
الموضوع معنوي و أبسط حقوق الشخص العادي
إنه يعبر عن رأيه ، و إنه يقيم محتوى عام ع العام !
انا مش فاهم دماغهم فيها إيه و هما بيعملوا قرار زي دا
أتمنى الموضوع ميتطبقش إطلاقاً
لإنه حكر ع الحرية و مساعدة ف نشر القرف أكتر
و تحقيق أكبر عدد من الأرباح بـ أي شكل
تحت مسميات حماية مشاعر صناع المحتوى و بلا بلا بلا
كلها أسباب غير منطقية ع الإطلاق
----
إنتوا مع و لا ضد القرار ، و ليه ؟
تعليقات
إرسال تعليق
سيب أستفسارك وهرد عليك يانجم