شركة Nvidia شكلها مطولة شويتين ف الأزمة
بتاعة كروت الشاشة و توافرها و الأسعار
و شركة AMD لسة بتشاور عقلها و موقفها غريب
و أظن نقص مواد التصنيع هو اللغز حالياً أكتر من البيزنس نفسه
إعتقاد شخصي إن الرام الـ DDR4 و عامةً كل الذواكر هتفضل غالية
تمهيداً للأجيال الجديدة إللي هتستخدم DDR5
بحيث يكون سعر الجيلين قريب نسبياً و يجبروك ع التحديث
اللعبة القذرة المعتادة إللي بيشربوها لينا دايماً
فاكرين إللي حصل ف بوردة H310 - H410
لما سعر التاسع و العاشر كان قريب جداً من بعضه
فـ يعملوا إيه عشان يبيعوا !
عطش السوق شوية جديد و شوية قديم ، و الناس كدا كدا هتشتري
و دي معضلة الجيل الـ 10 و الـ 11
و هتبقى معضلة الـ 11 و الـ 12 و هتشوفوا 🙂
-----
قلناها قبل كدا الحل معانا و الله بس إحنا إللي متسرعين
أو أغنياء بزيادة و مش فارقلنا الفلوس ، الله أعلم بأه
الأزمة دي إحنا 50% من أسبابها بعيداً عن نقص مواد التصنيع
و بعيداً عن إستغلال الشركات و ظروف التعدين و غيره
لكن إحنا نتحمل جزأ كبير جداً منها بشرائنا ف ظل الظروف دي
----
توقعنا كان إن الدنيا تظبط بنهاية 2021
أحلام البسطاء
لكن حتى تاريخ كتابة البوست و نظراً للأوضاع الحالية
نعتقد سواء كروت الشاشة و من بعدها الذواكر
قدامهم لمنتصف 2022
ع ما نشوف فيهم أمل لتحسن السعر أو التوافر
و أتمنى إن توقعي يكون غلط 🙁
تعليقات
إرسال تعليق
سيب أستفسارك وهرد عليك يانجم