عملنا موضوع قبل كدا إسمه / من أنتم !
و موضوع تاني إسمه / مجتمع الخراء !
إبقى خدلك بصة عليهم من البوست المثبت ♥
و الناس إللى متابعانا هتلاقوا ف أخر البوست حاجة هتعجبكم 😃
--------------
لما الواحد بيشوف الفتي الرهيب و الكلام الغلط ف مجال الكمبيوتر
سواء بـ غرض الكسب الحرام ، أو النصب المطلق
أو هزيان من ناس مغيبة و جاهلة تماماً
أو لـ غرض الإحساس بالنفس و التواجد و تعويض نقص ... إلـــخ لكل الأسباب
كله مسمي نفسه مهندس و متخصص ، و معاكم لمدة 18 ساعة للإستفسارات !
إنتوا إيـــــــــــــــــــــــــــــه ؟ 🤬
--------------
الواحد بيترعب جداً من المجتمع دا !
لإني بـ بص لـ الوضع بصورة أكبر من مجرد مجال فقط
أهـ الوضع مش بسيط ف مجال الكمبيوتر ، بس أخرك إيه !
هتخسر فلوس ؟ جهازك هيبوظ ؟ شغلك هيتعطل ، و بس !
هتحاول بعدها تعوض إللى تقدر عليه و شكراً !
--------------
لكن خلينا نروح بـ الصورة كدا ع مجال زى / الطب !
لو عكسنا إللى بيحصل دا ع مجالهم و هو موجود بالفعل
هتحس بـ رعب شديد ! كل دكتور بـ رأي ! مين المتخصص و الفاهم !
الموضوع لا يحتمل التهاون ، دي حياة كاملة مش جهاز هيبوظ !
إنت متخيل لو وقعت مع الشخص الغلط إيه هيحصل !
إنت ممكن تموت ، أو يحصلك علة مستديمة متروحش منك
و الموضوع حصل كتير و سمعنا قبل كدا حوادث رهيبة !
--------------
مجال زي / المحاماة و القضاة !
إنت مدرك إن المحامي الجاهل تحت أى سبب و مسمى من إللى ذكرناهم فوق
ممكن يخلي حد يتحبس و هو مظلوم و مستقبله كله يضيع !
ممكن يخلي مجرم ياخد برائة و يتلاعب بحاجات غلط و يدمر المجتمع بفساده !
القاضي إللي مش بيشوف كل حيثيات القضية و مبيحكمش ضميره
ممكن يعدم شخص مظلوم أو يسجن شخص برئ لمجرد إنه مش عارف يشوف شغله
يعني ف النهاية حياة برضو بتضيع ! الموضوع خطير جداً 😳
--------------
المهندس .. لما يبنيلك عمارة أو يقول رأيه ف تصميم
لو برضو بجهل أو أى مبرر من إللى ذكرناهم إتصرف
ممكن العمارة تقع فوق دماغ الناس و يحصل كارثة
برضو هتأدي لإن الحياة هتضيع ! 😲
--------------
ظابط الشرطة و الجيش
إللى مفروض بيحمي الناس و الوطن و مهنته عظيمة عند البشر و عند ربنا
لما يتصرف بدون فهم لوظيفته و أساسياتها و يتعامل بأى مبرر من إللى ذكرناهم
هيتحول لطاغية يقتل و يفسد بدون أى حق 😬
--------------
و هكذا ف كل المهن و التخصصات .. كل فتي أو جهل بيأدي لكارثة ف النهاية
و بعض الحاجات بتأدي لضياع الحياة و الفساد 😞
--------------
عشان كدا لما بلاقي حد بيفتي ف المجال بتاعي إللى درسته أكاديمياً
و إشتغلت فيه عملياً لسنين طويلة
و فهمته لناس عملياً ع أرض الواقع ، و عملت فيه شروحات من ورا شاشة
لما أشوف حد بيقول كلام غلط فيه ، مش بشوفه بيغلط ف الكمبيوتر و بس !
أنا بشوف الصورة الأكبر إللي شرحتها دلوقتي ، بترعب من نظام مجتمع فاشل
محدش فيه بيصارح نفسه بحقيقته و قيمته الحقيقية ، كله بيأذي غيره و هو مش حاسس
الموضوع واحد مفيهوش أى إختلاف ع فكرة ، لكن كل مهنة لها تفاصيلها مش أكتر
الجاهل الفتاي الفاسد .. ف أى مهنة ، هو ذاته 😕
--------------
عشان كدا كنا عاملين حملة / إقفش زومبي
و الناس كلها كانت واقفة معانا وقتها بصراحة ♥
لكن لما حصلت مشاكل ع الأكونت الشخصي و تهديدات و هري كتير
إضطرينا نوقفها مؤقتاً ...
--------------
الإنسان إللى بيغلط و يفتي و يأذي ، شوف فيه دايماً الصورة الأكبر
صورة الدكتور و الظابط و القاضي و المهندس ، الفاشل الفاسد
تخيل فيه صورة أى حد أذاك بمعلومة أو تصرف غلط و سببلك ضرر
لإنه ببساطة لو بقى مكانهم هيعمل زيهم و أكتر
بس هو بيعمله ف مكانه بالطرق المتاحة مش أكتر ، لكن المبدأ جواه ثابت 💩
--------------
مش مسموح تفتي بـ كلام و معلومات و تضر الناس
مش عشان بروموتر متأجر بالساعة معناه إنك تبقى معرض و تأذي الناس بتوجيهات غلط !
عادي إشرحلهم مزايا منتجك فقط ، و متعيبش ف غيرك طالما هو مفيهوش عيب
مش مسموح إنك عشان عبد فلوس و شهرة ، إنك تضر الناس تحت مسمى أكل العيش
دا أكل عيش حرام و مهبب ع دماغك ، إتكلم ف إللى تفهمه و بس
متبقاش أتينشن هور ، متبقاش رويبضة ، متبقاش نواة فساد بتكبر و تأسس لمجتمع فاشل
كل دا عند ربنا عقابه شديد متستهونش بيه
و كفاية نظرتك لنفسك و إنت عارف إنك أراجوز
إتقي الله هيرزقك برضو .. بس بـ نضافة و حلال ♥
------------
إللي تلاقيه بيتصرف كدا ، إنصحه ف البداية بطريقة محترمة و شياكة
إعذره بجهله ، عادي جداً كلنا ممكن نغلط و تفلت مننا
لكن لما تلاقيه بيصر ع الغلط و يجادلك ، مترحموش حرفياً
لما تقابل زومبي ف أى لعبة ، بتعمل فيه إيه يا بورينس 😈
--------------
و عشان الأخ إللي قاعد قدام و بيقولي أراء !
مفيهاش أراء حضرتك ، إحنا مش بنختار الكيبورد السودا و لا الحمرا
ولا بنختار جيجا بايت و لا إسوس !
ف حاجات الكلام فيها مسموش أراء .. هي صح أو غلط و بس
ف معلومات ثابتة و حقايق علمية لا تقبل القسمة ع 2 ✋
مش فاهم إتعلم و دور و إبحث ، إحنا متولدناش عباقرة
كلنا سعينا و دورنا لغاية لما وصلنا لجزأ من العلم نقدر نتكلم بيه
لكن هتفتي و تتكلم بجهل لأى غرض ف خيالك ، هتزعل 🙂
-----------
و أخيراً و ليس أخراً .. عدنا إليكم من جديد 🤩
إقفش زومبي .. ترحب بكم 😍 🥳 😍
----------
طبعاً إنتوا عارفين النظام ، أي معلومات خزعبلية أو حد بينصب
أو معلومات حابين تتأكدوا من صحتها
إبعتولنا فوراً و علقوا بـ الهاشتاج / #اقفش_زومبي
و الباقي سيبوه علينا 😋
-----------
إقفش زومبي ، فكرة ! فيها تغيير للمجتمع كله
لو كل واحد طبقها ف مجاله الدنيا هتنضف أوي
مش هتخاف تتعامل مع صاحب أى مهنة !
هتروح للدكتور و للمهندس و للظابط و إنت متطمن مش قلقان
هنلاقى أحسن و أمهر الناس ف كل تخصص
كل حد يستحق مكانة كويسة هياخدها
الزومبي إللى فوق الوش و مبوظين الحياة هيختفوا تدريجياً
طبقوها ف أماكنكم بإختلاف تخصصاتكم ، هتلف و ترجعلكم تاني و تفيدكم
كلنا جوا دايرة الفساد ، و مش هنطلع منها غير لما كل واحد يبدأ بنفسه
يلا إتمسوا ب الخير ♥
-----------
تعليقات
إرسال تعليق
سيب أستفسارك وهرد عليك يانجم