لعبة Crysis ، العظيمة 😍
إللي نازلة من 2007 و أخر أجزائها كان ف 2013 !
حتى الأن لسة بيتعمل تيست للكروت بيها 😮
و محققة أداء ممتاز كـ أوبتميذ !
----
لك أن تتخيل إن اللعبة دي بتشتغل ع معالج كور تو دو
و ع كارت شاشة GTX 550ti ! .. بمنتهى السلاسة 🧐
و مع ذلك ع بعض الإعدادات مش بتقدر تفتح كويس
ع كروت زي GTX 1080 😲
----
لعبة فيها أوبتميذيشن لفل التنين .. من أول البرمجة و التصميم
لغاية القصة و الجيم بلاي و كل شئ جوا اللعبة
تحفة فنية متكررتش حتى الأن 😘
---
حتى الأن لما تفتح الجيم مش هتحس إنها لعبة من 7 سنين مثلاً
لأ دا إنت هتنبهر و تتصدم من ميكانيكس و حاجات ، مش موجودة دلوقتي أصلاً !!!
بص مش هتكلم عنها كتير لإنها لو فاتتك ، فـ إنت مضيع كتير من متعة الجيمنج
روح إلعبها فوراً طبعاً 👊
---
المهم الخبر عشان إنتوا رغيتوا كتير و نسيتوني 😃
الإستوديو شكله كدا بيشاور نفسه و هينزل جزأ جديد لـ اللعبة !
---
عاوز أقولكم الخبر دا ، و خبر نزول جزأ جديد من RedAlert
هما أعظم خبرين ف عالم الجيمنج ف نظري من حوالي 5 سنين 🤩
يا سلام بقى لو تكمل ، و الخبر التالت يكون نزول جزأ جديد من MaxPayne
و بكدا يبقى العظمة إكتملت ، و مش عاوز أكتر من كدا 😃
دول أحسن 3 سلاسل من وجهة نظري ل 10 سنين جيمنج فاتوا
و فعلاً مجاش حاجة ف نفس المستوى رغم كل الجديد 😞
---
و بس كدا .. صباح الفل عليكم بصوت حمادة هلال !
دي كانت أخبار شهابية رقيقة خفيفة لذيذة 😂
----
تعليقات
إرسال تعليق
سيب أستفسارك وهرد عليك يانجم