الإكسبوكس الجديد هيكون حاجة كدا إستغفر الله العظيم
الجهاز جاي ب كارت شاشة حسب التصريحات
هو تقريباً نفس أداء RTX 2080 SUPER
و معالج 8 كور .. من معمارية ZEN 2 المعدلة
و دقة تصنيع 7 نانو 😱
--------------------
إنت مدرك يا مان الكلام دا معناه إيه !!!
--------------------
دا طبعاً بعيداً عن دقة العرض البسيطة خالص
إللى هتكون فور كي - بمعدل 60 فريم و هتوصل ل 120 فريم !!!
و خاصية دعم الإنعكاسات ، و SSD - NVME
و ليلة كبيرة أوي سعتك 🤣
--------------------
يعني من الأخر الـ بلاى ستيشن 5 و إنبهارنا بيه
جاله حاجة توقفه عند حده ، و ممكن تزحزحه كمان عن القمة 🤛
من خلال المواصفات إللى ظهرت حتى الأن
نقدر نقول إن الجيل دا هو أقوى جيل ف تاريخ الكونسولز
و نتوقع إنه هيفضل أقوى جيل لفترة كبيرة قدام
و أى تطوير هيكون بسيط ، لإن التعلية ع المواصفات دي شئ صعب جداً
--------------------
الشركتين داسوا بنزين جامد و إتهوروا بصراحة 🤪
--------------------
و للتذكير ، بكرة أو بعده تقريباً ب الكتير هيتم الاعلان الرسمي
عن مواصفات البلاي ستيشن 5
لإن كل إللي ذكرناه عنه قبل كدا كانت تسريبات مش إعلان رسمي
ف هنشوف الخناقة ، خناقة إيه ! دا هتبقى مدعكة يا شقيق 🤬
--------------------
ييجي واحد يقولي يا شهابوفيتش طيب إنت شايف مين الأحسن ؟
أقولك يا معلم بعد دراسة عميقة للموضوع إستمرت عشر دقايق
إحنا من قبل ما نعرف مواصفات البلاى ستيشن 5 الرسمية
إللى مش هتبقى بعيدة أوي عن التسريبات
بس ف كل الأحوال و بحكم خبرتي العظيمة
الحرب دي يا بورينس هتبقى حرب حصريات و سعر ، مش مواصفات خالص
لإن المواصفات دي أساساً مش موجهة للجيل الحالي - أبسولتلي
دى حاجة أوفر كواليفيد ، زى شهاب لما يروح يشتغل ف ميكروسوفت مثلاً 😎
--------------------
و أعتقد كمان إن الإصدارات الجاية من الكونسولز
مش هتبقى قبل 5 سنين إن مكنش أكتر
الجيل دا أساس هيتبني عليه جيل جاي 🤓
--------------------
ف اللعب هنا لـ السعر و الحصريات و بس
متبصش لمواصفات خالص ف إختيارك
لإنك لو قاعد ع يمين المقصورة هتلاقي البلاى ستيشن الكبير
ولو لو قاعد ع الشمال هتلاقى الإكسبوكس الكبير أوي
ف ركز و متقلقش خالص ، و ف كل الأحوال هتاخد حاجة نضيفة 🥳
--------------------
لو الكلام عجبك ، لايك و شير
لو معجبكش ، إعتبره من وحي الخيال و لا يمت لـ الواقع بـ صلة
لايك و شير برضو ، متبقاش غلس
تعليقات
إرسال تعليق
سيب أستفسارك وهرد عليك يانجم